بعد اذنك اختي ممكن افيدك بشي من خبرتي في هذا المجال ...

مشروع تجهيز الحفلات وخصوصا حفلات الزواج والتخرج هو مشروع مربح جدا ..
*
لا يحتاج الي رأسمال كبير جدا بقدر ما يحتاج الي فن وملكة التصميم والتجهيز و افكار جديده ..

عندك افكار جديده وتطوير وتنفيذ .. الكل راح يجي لك ويطلبك وكمان يسأل عميلاتك من وين رتبتوا قاعة الحفل

ماعندك الا فكرة وحده ومكرره بكل مناسبة تأكدي ان الغالبيه يريدون شي جديد ما احد شافه لذلك انتبهي لمثل هالنقطه .

كثير من المحلات لديها الامكانيات الكبيره لكن بدون ذوق وبدون فن ويطلع شغلهم اي كلام ..
*
عموما وبشكل مبدئي انا ارى ان لا تبدأي مشروعك برأسمال كبير ولكن تبدأي من حيث بدأ الكثيرون .. كيف ؟؟

الكل بدأ بعدد 4 طاولات + 20 كرسي ... اي 20 شخص مدعو

ليش قررنا انهم عشرين شخص ؟؟ لان العدد 20 هو أقل عدد ضيوف يمكن ان يقبل بهم اي محل او اي مطعم لتجهيز البوفيه . هذا في معظم الاحوال .

بشكل اكثر تفصيل .. تحتاجي الي :

طاولات طعام .. وتقريبا سعر الطاوله بدون مفارش بحدود 120 ريال ...

الكراسي .. عدد 5 كراسي لكل طاولة بحدود تقريبا 90 ريال للكرسي الواحد *.. ايضا بدون مفارش ..

مفارش طاولات ومفارش كراسي ..
وتحتاجي هنا الي اكثر من لون للمفارش واكثر من تصميم .حتي يكون للعميلة حرية الاختيار .

اكسسوارات طاولات وهذي مهمه جدا وعادة العميل يبحث عن محلات تقدم طاولات مع اكسسواراتها .

ركن البوفيه :

تحتاجي الي اطباق بوفيه وفيه الغالي وفيه الرخيص ..

اطباق الساخنه وهذي اطباق فيها الاكلات الرئيسية

واللي يحطوا تحتها شمعه او اي شي حتى تسخن الاكل وهذي قيمتها غاليه تبدأ من خمسمية ريال الي 3000 ريال للسخان الواحد
*
كذلك تحتاجي الي اطباق عاديه للسلطات وغيرها وهذي اسعارها رخصيه جدا .

اكواب عصيرات وماء وبيبسي وغيره .. والاكواب هذي لابد ان يتم تجميلها بشرائط او فيونكات كنوع من التجميل للكأس .

تحتاجي ايضا الي توفيز ثلاجات الشاي والقهوة .. وهذي ممكن تستعيضي بأحد السيدات التي لديها امكانية تجهيز مثل هالاشياء مع توفير عمالتها للتقديم ..

وبأمكانك تطلبي من اي سيده تعمل في هذا المجال انها ترسلك طقم كامل للثلاجات واكواب الشاي والقهوة عشان تكون عندك بالمحل كعينة للعميل .

اطباق وسلال الحلويات والضيافه وتكون بشكل ممتاز يمكن التقديم بها .

سيارة لنقل اغراضك من المحل لموقع الحفل .. سيارة دينا ، وعمال للتحميل والتنزيل من المحل لموقع الحفل *والعكس صحيح .
تحتاجي الي عماله معاك لترتيب مكان الحفل ...

كما تحتاجي الي مصممات ديكور لتصميم القاعه لان البعض من العميلات يطلبون مثلا شرائط في السقف او بين الطاولات او او ... وهنا لازم يكون عندك مصممه ديكور داخلي

بأمكانك التعاون معها بمبلغ مقطوع عن كل حفل .

عادة المحلات يطلبون مبلغ تأمين فوق مبلغ الحفل .. وهذا المبلغ مسترد ثاني يوم الحفل
ليش مبلغ التأمين ؟

لان البعض يخرج من قاعة الحفل بعد ان كسر لك كل كاساتك او الاكسسورات اللي جمعتيها بتعبك وشقاك ..

ان كانت جميع الاغراض سليمه ترجعي لهم مبلغ التأمين وان كان هناك شي مكسور تخصمي من المبلغ قيمة المكسور وهكذا .
*
الكوشه :

الكوشه تحتاج الي شغل وفن وتنفيذ ...

وبالاخير هي موديل ممكن تتعبي عليها وتخسري مبلغ كبير لتصميمها وتنفيذها وما تطلب منك الا مره ومرتين وبكذا ما طلعتي قيمتها الاصلية

لذا انصح انك تستأجري الكوشه من محلات اخرى ... هم يجون ويركبونها ويشيلونها ...

طبعا تمري على كم محل وتاخذي صور للكوشات اللي عندهم عشان تعرضيها على الزبونه .

ممر العروسة :

ممر العروسه هو الاستيج اللي تمشي عليه العروسة الي ان تصل الي الكوشه ..

وهذا هو المحدد الرئيسي لديكور القاعه ..

لذلك لازم تكون عندك افكار كثيرة للاستيج لان الممر ممكن يقسم القاعه الي قسمين ومن خلال القسمين تقدر ترتبي طريقة القاعه

وممكن يكون جاي على جنب القاعه وهكذا ..

ايضا الممر نفسه لابد من ترتيبه بأضائه معينه او بدون .. بشرائط شيفون او او وهكذا .

اجهزة الضوء والصوت :

فيه بالصين او هنا اجهزة للضوء وهي اجهزو بسيطة جدا لكنها ممكن تعطي لمحة فخامه على القاعه

مشكلة اجهزة الضوء انها كثيرة وراح تتعبك بتوفيرها ... واسعارها تبدأ من 600 ريال فما فوق

لذلك ارى ان توفري جهازين للضوء وجهاز دخان وجهاز صوت اكشن للقاعه وتبتعدي عن جهاز فقاعات الصابون لانه يدمر العروس والضيوف وممكن يزحلق البعض بسببه .
*
اجهزة الصوت :

اذا تقصدي جهاز الدي جي ... فلم اتعامل معه خوفا من الاغاني ... يجي احد يفيدك

لكن فيه اجهزة نسميها اجهزة صوت الاكشن مثل جهاز اصدار صوت الرعد او البرق وغيرها وهذي موجودة بالصين بكثرة وسعرها الي حدا ما رخيص .
*
بشكل عام الي 20000 ريال ممكن تجهز لك محل حفلات .. طبعا المبلغ بدون قيمة ايجار المحل وديكوره ....
*
كنت حاب الرد يكون بالصور لكن اعذرينا على القصور لاني ارد من الجوال

بالتوفيق ...
*