هذي المشكله تواجه اغلب المتاجر الناشئه والمتوسطه
اما الاسواق الكبيره فهي ممشيه شغله بصلح لي اصلح لك تشوت
يعني بدل مايوجود حل للمشكله اتفقوا مع شركات الشحن
واكيد شركات الشحن راح توافق بما انها تاخذ نسبه كبيره من الاسواق الكبرى
بعكس لما تتفق مع متاجر ناشئه او متوسطه ماراح تكون لها فائده
مافي مشكله مالها حل وهذي المشكله اكيد لها حل وبيجي اللي حلها
وحنا لازم نحاول ونفكر نحلها لانها مشكله تواجه الاغلبيه
وكمان في مشكله اخرى وهي ( مدة الشحن ) تطول وبعد المتاجر تشتري منها ياخذ الشحن اكثر من 30 يوم يعني يمديك تسافر برا سياحه وتتسوق وترجع وشحنتك ماوصلت !!
هذي مشاكل المتاجر الالكترونيه اللي مايوجد لها حل الى الان
يعني اغلبية العرب مايحب الانتظار وكذلك مايحب يدفع قبل مايستلم طلبه
لكن المشاكل هذي اكيد لها حل بس تحتاج لتفكير وبحث لايجاد حل على الاقل يحل نص المشكله
انا بساهم بحل بسيط اشوف انه يناسب اصحاب المتاجر اللي في المدن الكبيره
مثل في الرياض او جده انت عندك متجر الكتروني وعارض فيه بضاعتك
طبعا البضاعه راح تكون في المستودع ويكون عندك عامل او عاملين
وظيفتهم عند الطلب ياخذون البضاعه ويسلمونها ويستلمون الفلوس خلال يوم واحد
بس لازم متجرك يستهدف سكان المدينه يعني مثلا انت في جده
يكون استهدافك لسكان جده في التسويق للمتجر عشان تنحل هالمشكلتين
مثل كانك فاتح محل بس عن طريق النت
لكن هذا مو حل للمشكله الاساسيه هذا الحل يناسب المدن الكبيره فقط
راح اكون متابع للموضوع لعل وعسى نحصل المنقذ اللي يحل حل لمثل هذي المشكله