اخوي ....هم ياخذون 5% وعندهم.تسعيره موجودة وتكون عادة اقل من السعر اللي انت شريته بها

اخر موديل ماياخذون عليه شي واخر سنتين مايحتاج فحص دوري لما تصدر لها استمارة

يبقى عليك طفاية حريق ومبلغ 500 ريال للمواصفات والمقاييس

اخوي انا درست مشروع استيراد سيارات من امريكا ......ماودي اكسر مجاديفك لكن ما ابغاك تصطدم بواقع مغاير تماما للي انت راسمه فس خيالك

اول شي اذا جيت تشتري حاول تشتري من الولايات الساحلية الشرقية عشان توفر عليك اجرة النقل الى الميناء الشرقي
وكمان مدة الشحن تؤثر على صافي الربح لأنها تاخذ شهر الى شهر ونص وعلى ماتلقى زبون ممكن توصل لثلاثة شهور وفي نفس الوقت انت مضطر انك تبيع بأي ربح لأنك منت هامور ولا تقدر تتحكم في سعر السوق

ايضا يبغالك راس مال فوق 500 الف لأن دخلك بيكون مابين 10% الى 25%يعني تنتظر ثلاثة شهور. وتكسب 125 الف يعتبر ربح معقول بمعدل 41 الف في الشهر لكن لو دخلت بمبلغ 70 الف وكسبت منها 10 الاف تقسمها على ثلاثة شهور تطلع لك بحدود 3 الاف ....

كمان لاتنسى اسعار السيارات في الامارات ...والجيوب في قطر اللي مكسبها قليل ولكن راس مالك يدور في فترة قصيرة جدا وتقدر تجيب زبون قبل ماتشتري.....

اخر شي بقوله....تابع عروض الشركات هنا....ترى هذي اكبر صفعة ممكن تلقاها ....وعندك اكبر مثال الاكسبيديشن من فورد سعر الاستخدام الامريكي موديل 2011كان في حدود 100 الف.....شركة فورد نزلت عرض موديل 2012 ب109 الاف عشان كذا شوف الناس حولت على الجديد....

والله يوفقك