انا اعلمك ليش نننعزل

اولا مافيه اي مكان مهيئ لذوي الاحتياجات الخاصه حتى لو يبي البقاله بيحصل خمس درجات تمنعه يشتري
ولو نادا الهندي ماراح يطلع له لو يطير

الشي الثاني لو حصل محل او شي ميسر ومسهل ويقدر يدخله
راح تكون نظرة الناس له نظره كانه مادري يعني كيف اوصفها لكم بس الله لايجعلكم تشوفون النظره هذي او يواجه اساله من ناس فضولين وهي تجرحه وهم عادي عندهم

الشي الثالث لو حب يطلع مثل ماتققول لجلستكم او شي جلسات الشباب اغلب شي تكون عند جبال او محلات مرتفعه مايقدر يوصل لها ولو جاكم مره مرتين راح يحس انه ثقيل عليكم واحد يطلع واحد ينزل وقروشه وغير كذا راح يواجه شي منكم اللي هو العطف الزايد وتحسسونه انه ناقص هذي يكرها يبي معامله وكلام كانك تتكلم وتتعامل مع شخص بكامل قواه الجسديه

الشي الرابع ماعنده اي دخل غير ضمان وتاهيل عشان يطلع ويبسط ويفل ويادوبها تكلف اغراض اعاقته واتحداى اذا فيه معاق المبلغ كفا معاه لشي من اغراضه

الشي الخامس لو حب يقضي حاجته او حب يتمشى شوي حول جلستكم او شي مافيه امكانيه تحصله طفشان يبي يتحرك يغير جو يبي يكلم جوال تحصله بس جالس بينكم مايغير محله ولو بغاء يقضي حاجته مافيه دوراة مياه مؤهله له ومايرتاح الا في بيته

الشي السادس لو حب يسافر وقلنا يقدر يسوق سياره وخصوصا لو كان متزوج وحتى لو كان لحاله راح يكون خايف يضرب عليه كفر يحصل له اي شي في السفر في هذي الحاله ممكن يكون فيه خطر عليه وعلى عائلته خصوصا في السفر الطويل والمحلات المهجوره

الشي السابع باختصار حقهم ضايع مرررره ومالهم اي قيمة في مجتمعنا وفئه مره مهمشه لابعد حد ولافيه مكان متوفر لهم

اتمنى اني كتبت كل كلمة في نفس معاق واتمنى يتنازل لنا مسؤؤل او امير او فاعل خير ينظر لحالنا اللذي يشفق عليه مع العلم قد سافرة خارج المملكه والله ماحسيت بقيمتي الا هناك
بس للاسف لمن رجعت السعوديه احس نفسي ابكي في الطياره لاني ماني مصدق الوضع اللي برجع له

وانا تقريبا ماني بعيد عن حال صاحبك لان يواجهنا كثير متاعب وعالم تجرحك لذالك فضلنا العزله وحسينا بققيمتنا شوي في بيتنا