اقتباس:
المشاركة الأصلية كتبت بواسطة مےـتأخر بےـدريے
^
مامنه فائده الموقع اللي ذكره الاخ واللي مايآكل بيده مآيشبع !!
اول شي لازم تعرفي شي مهم وهو ماراح تحققين نجاح في التجاره الالكترونيه
قبل ماتكوني لك اسم وراح تكونينه بعدة طرق
وهو المصدقيه والجديه وعدم التآخير والسعر الرخيص ومنتج المميز
اما انك تبين شي بسيط وبدون تعب وارباح ممتازه راح تتعبين وانتي تدورين
لازم اول شي تكونين لك اسم وتكسبين عملاء حتى لو انك خسرانه !!
هذا اذا كنتي راح تبدين في المواقع وتسويق منتج ممتاز .
اما اذا كنتي تبين تبدي فكره جديده غير مسبوقه
لازم تحددي وشهو المجال اللي تبين تتخصصين فيه او تفضلينه
عشان الكل يقدر يفيدك
في مجالات كثيره لمشاريع عن طريق النت
اذا كنتي تفضلي المجال النسائي للاسف مالي خبره وماني متعمق فيه
عشان اعرف الفرص المتاحه لانتاج افكار جديده غير مسبوقه
يمكن اقولك فكره وهي لها سنه موجوده وانا مالي درايه بها
ولو توضحي لنا كم ميزانيتك وش المجال اللي تفضلينه
عشان الاعضاء يفيدونك اكثر بافكار تناسبك وتناسب ميزانيتك
والله يوفقك
|
حياك الله استاذي
اولاً حابه ادرس المشروع واخوض التجربه فيه وانا اطلب فكره بأقل مجهود مادي
لحتى اساعد كل امرأه تريد الدخول لمجال التجاره بأقل التكاليف
واعني بذلك ذوات الضعف المادي
ولكن يكون المشروع بفكره جديده ليزيد الإقبال عليه
على الأقل نبدأ من الأقل تكلفة ولنفترض تكون 1500 - 2000 ريال
للبدء في المشروع
أتمنى يكون ناجح ليتسنى لي إفادة غيري من البنات وتشجيعهم للدخول في هذا المجال
بدلاً من الجلوس بالبيت دون وظيفه او شغل ينفعهن للكسب المادي
اشكر تعاونك والله يجزاك خير