اقتباس:
المشاركة الأصلية كتبت بواسطة فاقده حنانك
يعني عشان عندك احد تعرفينه يشتغل بالوزاره تقولين لحد يجيب طاري الواسطه كذا والا ايش؟؟ 
لاحبيبتي الدعوه كلها واسطات بواسطات انا شخصيا وحده من قبل مفدمه عندهم على وظيفه قبل ورشحو وحده وعينوها ورفضو الباقيين بس عشان عندها واسطه
وما اظن البنت بتكذب والا بتتبلى عالبنت
هذا الواقع محديقدر يكذبه
وحنا واسطتنا الله اكيد والنعم بالله وبارادته وتوفيقه |
شفتي ان فيه ناس سلبية حتى لو كل اللي قدامها ايجابيات
والله صدقيني لو عندي واسطة ما سجلت بمنتداكم وتعبت نفسي وانا اكره ما علي التسجيل بالمنتديات من جديد
ولو اقلك على ظروفي بتقولين هذي ليش مقدمة على الوظيفة اصلاً....
وانا ماابغي اذكر ولاشي سلبي هنا بطنش وبتوكل على الله
وسالفة الواسطة والله ما عندي ربع واسطة*
لايغرك الكلام اللي قلته*
بس انا قلت كذا من باب التفاؤل ورفع المعنويات وعشان اجيب لكم معلومات قد ما اقدر
معليش لا نحكم على الاشخاص من كلمتين محد يدري عن ظروف احد*
ومثل ما قلت ما ابغى اشتكي واجيب ظروفي لان هذا الموضوع مو قسم المشكلات الاجتماعية.
والمعلومات اللي طرحها الاخ فوق اول مرة اسمع بها بعد...
المهم ان احنا هنا عشان نساعد بعض وهذا هدفي ...*
ولعلمك اللي اخذت الوظيفة ابصم بالعشرة ان فيها كل المواصفات المطلوبة ومستحيل احد يوظفها بالوزارة ويخليها تجتاز كل المقابلات الصحفية والاسئلة والاختبارات الا بموهبتها ومهارتها*
صح الواسطة موجودة بس اكيد البنت مستوفية كل الشروط ترا هالوظايف فما فيها مجاملات مرة ...
عالعموم انا ماتهمني كلمة واسطة، لاني مقتنعه ان هالكلمة يرددها الاشخاص اللي ما يقدرون يسوون شي بحياتهم و يلقون باللوم على الظروف وعلى الاشخاص وعلى الواسطة
انا بسوي اللي علي وبتوكل على الله، ومؤمنه ان مافيه قوة فوق قوة الله ...*
انا الحين قاعدة اراجع موضوع قديم هنا عن التقديم على الوظيفة السنه الماضية وقاعدة احضر نفسي
الله يوفق الجميع*