والله مدري وش اقولك لكن ولو الكلام يفيد عادت فلسطين
سنين وانا اناقش مثل هذي المواضيع ولكن بدون فايده ولا جديد
كل واحد يلوم الثاني ويبيه هو يبدا بالتغيير لكن هو مايبدا بالتغيير !
بدل مانتناقش في هذي المشكله كل واحد يبدا في نفسه ويغير
مستحيل يحصل تغيير دام كل واحد يلوم الاخر ويبغاه هو يبدا
انا ابدا واغير بنفسي وحاول ازرع هذا الشي في اللي حولي
وانت تبدا وتغير بنفسك وتحاول تزرع هذا الشي في اللي حولك
لو كل واحد بدا وتجاوز العقبات اللي تواجهه بدل مايطلب المساعده من احد كان انحلت المشكله
الهندي يجي من بلاده مايعرف شي عن البلد
لكن يخرج وهو محوش من خيرات البلد اللي يكفيه ويكفي عيال عياله
وفي خلال سنوات قليله
يعني تتوقع كل هندي يروح يطلب من الهنود انهم يساعدونه ؟؟
لا لكن هو يحاول بنفسه ويبدا بنفسه وبعدين يزرع هذا الشي في اللي حوله
من اقاربه اللي يجون في السعوديه
اذا كل واحد انتظر احد يقله اسرار الشغله عز الله ماحد عرف هذي الاسرار
دام غيرك قبلك عرفها انت تقدر تعرفها بدون ماتحتاج مساعده من احد
الهندي جاي من بلاده مايعرف هذي الاسرار لكن بالاراده والاصرار عرفها .
اغلبنا لو فتح مشروع بسيط ونجح تدري الارباح وين تروح ؟
في الفشخره والكلام الفاضي بدل مايوسع شغله ويجتهد عشان بعدين يرتاح
لا يبدا يتفشخر ويلعب في الفلوس ولا يمسكها
الواحد لازم في البدايه يجتهد ويتعب عشان بعدين يرتاح
والله كريم ويوفق كل واحد ويعم خير البلد على عيالها
موفقين