احب اقولك اكثر الي يسون دعايه واعلان على النت نصابين

بس ياليت توضحين وش الي تبغين تعلنين عنه بالضبط

انا لي خبره كبيره بمجال المواقع وممكن افيدك بشكل مجاني

في طرق كثيره ممكن تنشرين اعلانك عنها مثل :

1- تسجيل اشتراك بالفيس بوك ووضع اعلانك فيه على شكل انشاء صفحه يكون فيها المحتوى الي

تحبين تعلنين عنه طبعاً هالخدمه بفلوس بحسبب طريقه العرض وعدد الزوار وهي اقوى طريقه تسويها

الشركات الي تبغا زوار وتتفنن بطريقه العرض وتغري الشخص للدخول . ( تحتاج فقط لفيزا او بيبال او

حتى رصيد من الجوال تقدرين تشترين فيه او بطاقات الفيس بوك ).

2- عن طريق الاعلانات بالمواقع والمنتديات مثلاً اذا بضاعتك نسائيه ممكن تدخلين مواقع مثل الفراشه

او عالم حواء او اسواق ستي سواء بشراء بنر اعلاني وهذا يختلف سعره من موقع لآخر والبنر

وهي الدعايات الي تجي اعلى المنتدى مثل موقع بطاله وتكون على صيغه jpg او متحركه gif وكل

موقع من خلال مراسلته تتفقين مع صاحب الموقع او تقدرين من خلال طرح المواضيع وتسويق البضاعه

وفيه موقع حراج ومستعمل وهم الاقوى في عمليه التسويق البضاعهوفي ايضاً موقع اسمه سوق كوم

كل موقع له شروطه .


3- عن طريق التويتر واليوتيوب تسجيل حساب التويتر متعب لازم تجمعين متابعين واليوتيوب تسوين

مونتاج للبضاعه وتطين طرق التواصل والاسعار .


4- ممكن تسوين موقع تعرضين بضاعتك فيه ويكون موقع بسيط وفيه صور السلع وطرق التواصل .


5- القوائم البريديه والقروبات ومشكلتها تحتاج لخبره بقوه القروبات يعني تنتقين قروب فيه اعضاء

وتعرفين انهم فعالين وليس وهميين وتكلمين صاحبه ترسلين له موضوع اعلاني وهو ينشره للقروبات


6- اشوف افضل طريقه وهي الاعلانات المبوبه الاسبوعيه رخيصه التكلفه وتجيب مردود مشاهدين

عالي يعني تصممين دعايه كصوره وتحجزين بجريده الوسيله او المبوبه او الاسبوعيه تبحثين اعن افضل

وحده فيهم وتحجزين اعلانك وتنتظرين نتيجه الدعايه بكثره الاتصالات والطلبات على المنتج .


عموما الله يوفقك عندي افكار كثيره اي خدمه انا مستعد

حتى لو تحبين اعطيك رأي في اي موقع انا اعرف قوه الموقع ليس بالنظر لقائمه الزوار لأنها قد تكون

وهميه ومستخدمين تلاعب بس في طرق اخرى من خلال قياس ترتيب الموقع العالمي وعدد زواره

اذا تحبين اساعدك بتصميم اعلان او قياس قوه الموقع انا مستعد ومتواجد واتمنى لك التوفيق مقدماً