اشكرك اخوي شخص ناجح على الطرح الراقي والثري والمفيد للجميع ولو كل شخص عمل بما طرحته في موضوع من نصائح واقتراحات وافكار باذن الله راح ينجح . انا عندي فكره ربما تكون غريبه شوي لكن بما ان القاعده تقول ( مشكله + حل = مشروع قائم ) ربما تكون هذي الفكره ذات يوم مشروع ينفذ ويحالفه النجاح . خلوني اقولكم القصه اللي خلتني افكر في هذي الفكره قبل تقريبا فتره صار لي موقف وانا كنت رايح مشوار برى جده اللي هو انه بنشر علي كفر في نص الطريق انا قبل ماخرج ماشيكت على كفرات السياره هل هي ناقصه او لا المهم في عز الحر والشمس تضرب في راسي اغير في الكفر وكرهت يومي وكرهت المشوار كله طبعا هذا قبل فتره الكلام لكن توي وانا موقف السياره مدري وش خلاني اناظر الكفر واتذكر ذاك الموقف الله لا يعيده المهم طرت في بالي فكره وهو ليش مايكون في نفس الطبلون حق السياره عدد وزن الهواء ؟؟ يعلمك بنسبة وزن الهواء في الكفرات مثلا : نسبة وزن الهواء في الكفر الامامي اليسار (30) والكفر الامامي اليمين (30) ونفس الشي في الكفرات اللي ورى بحيث كل مانقص وزن الهواء يعطيك انذار ويكون الانذار بثلاث آلوان اخضر برتقالي احمر مثل الاشاره تماما عشان يلفت انتباه السواق يعني تقريبا من 35 الى 30 اخضر ومن 30 الى 20 برتقالي وزي كذا وكمان يفيدك لما تكون مع الخط ودعست على مسمار او شي وبنشر الكفر وانت مسرع بحيث يعطيك انذار عشان تهدي . وهذي الفكره باختصار شديد . طبعا انا مدري هل في سيارات فيها هذي الميزه او لا لكن المهم سيارتي مافيها هالميزه !!! واعتبر من الفئه المستهدفه