وين والله لا اعلم بس حسب اعتقادي وخبرتي القديمه بالرياض انه قريب من سوق الثميري

يعني جمب الاماره في مناطق بيع الجمله

اما بالنسبه للتوزيع على المحلات فكره جميله اذا حبيت تبدأ تجرب حاول تبدأ بكميه بسيطه

بمكسب بسيط وحاول تروح اماكن بعيده خارج الرياض

وياليت يكون في ابداعيه بالموضوع بدل ماتروح للبقالات اكثرهم متقاولين مع مندوبين من ابناء جلدتهم

يعني اليماني تلاقي موزعه ابو يمن زيه والهندي والباكستاني كلاً مع جلدته

ليش ماتروح مثلاً الفحص الاستراحات او طريق القصيم ويامكثر الاستراحات او طريق الخرج او الشفاء

وتتقاول مع حراس الاستراحات تقوله

انا بعطيك مثلاً عشر كور بيع الكوره 15 خذ خمسه واعطيني عشره

مع العلم انا ترا ماعرف كم اسعارها بس الفكره الي اوصلها لك انك تتعامل مع حراس الاستراحات

توزع عليهم الكور وتسجلهم بورقه وتمرهم نهايه كل اسبوع والي مايبيع تسحب الكور من عنده وتحطها

في استراحه ثانيه يعني لو عندك

1000 كوره تقسم على 100 استراحه = كل استراحه 10 كور

لو مثلاً اشتريت الكورة بالجمله 5 ريال وبعتها 15 واعطيت العامل خمسه ريال تبقى عشره = 10

يعني مكسبك فيها نحسبها كذا


1000 كورة شراء جمله من خمسه ريال

1000 × 5 = 5000

ونضيف عليها 5 مكسب

بيصير مكسبك = 10000

يعني 100% مكسب

طبعاً انت وشطارتك لو تقدر توفر كور طائره ترا اغلب الاستراحات يفضلونها على الكورة

يعني تشكل بين كور الطائره وكور القدم

وحاول تجيب نوعيه متوسطه الجوده حتى تمشي وتباع

وبنفس الوقت ماتكون غاليه على الي بيشتري ويستكثرها ويروح يدور برا


تحياتي والله يوفقك