اقتباس:
المشاركة الأصلية كتبت بواسطة ارنوبي
أول شيء الف مبروك الله يجعله باب رزق لا يغلق عليك وتنطلق منه نحو التجاره والعالميه
ثانيء شيء بالنسبه للفكره داخل الأسواق فكره حلاق جميله بس سمعت انها حرام بسبب حلاقه
القزع للأطفال والله اعلم بس اذا تبغا فكره حلوه ليش ماتسوي محل جوالات وتلبيس جوالات ولاب توبات
وبنفس الوقت تبيع العاب اطفال وتجيب اشياء جذابه كفرات ايباد وشنط نسائيه يعني تنوع تجيب
اشياء زي الماراكات تشد انتباه الحريم والصغار اعتقد المحل بيكون جميل كذا وايضا تبيع الاجهزه الكفيه
الصينيه زي سامسونج تاب وتضيف العابه
بالنسبه للعامل يارجال الاسواق الي زي كذا كل عمالتها من برا يعني جيب عامل واتفق معه
الله يعينك او تشتري فيزا جاهزه والله يوفقك
|
الله يبارك فيك ويزيد رزقك يا رب اخوي .. بالنسبة للحلاق و الله مدري اذا هو حرام أشيل الفكرة من راسي و ان شاء الله يعوضي خيرا منه..
وبالنسبة لمحل الجوالات و اكسسواراتها والله فكرة حلوه بس ما عندي اي خلفيه عنها صحيح عليها اقبال من النساء خاصه بس و انا اخوك فيه مؤسسة فاتحه في نفس المركز .. ونفس النشاط جوالات وغيرها .. وراح افكر اكثر في نشاط اكسسوارات الجوالات و احوال اجمع اكثر من معلومات عنها و استخير و ادخل هالمجال ..
بالنسبة لاجهزة التابلت و التاب الصيني ما توقع عليه اقبال لانك تعرف الصين في الجوالات ينحاشون عنه ... اذا لك افاده عنها ياليت تفيدني اكثر مشكور اخوي
و العمال بحاول اجيب عامل من برى و اتفق معه بس يا ليت تفيدني وش الطريقة الي تخليني اتفق معه بالراتب .. ولا بالنسبة .. لاني ابكون متواجد معه يوميا في فترات متفاوته .. وانا اللي راح اجيب بضاعة مو هو ...
ويعطيك العافية على ردك اخوي .. ونشوف باقي نصائح الاخوان ..