اقتباس:
المشاركة الأصلية كتبت بواسطة عاطلة مش بطالة
يعطيك العافية ما قصرت
لكن لا تتعب نفسك ترى مو كل من لبس الثوب السعودي سعودي
|
ماضيعنا غير هالعنصريه للاسف
ونشوف انفسنا فوق الكل في كل المجالات
وحنا للاسف خلف الكل في كل المجالات
وش فيه زود السعودي عن الهندي ويمني والمصري ؟؟
ولو النجاح ينقاس بالجنسيه كان ماشفنا لا قوقل ولا فيس بوك ولا تويتر ولا ايفون
لانهم كل المؤسسين امريكان
واظن مافي فوق الجنسيه الامريكيه جنسيه
ماقولوا حنا امريكان وجلسوا يحتقرون نجاحات الناس
ليش نفكر ونجتهد ونتعب ونخطط وندور النجاح ونآسس شركات ونحقق ارباح
ومسكوا في عذر الجنسيه العظمى وتركوا الاهم
للاسف الاغلبيه يحتقر الاجانب اللي يشتغلون هنا ويجتهدون ويدورون رزقهم
لكن هو بدونهم مايسوى شي ولا يقدر يسوي مثل اللي يسوونه
وهو حتى لو يخرب جواله مايقدر يسويه غير عند اجنبي
والله حالنا يبكي الحجر
والشي اللي يقهر زياده هو اننا عندنا دين حنيف ينهانا عن العنصريه
لكن في دول ماعندها دين لكنهم يشوفون الناس سواسيه وينظرون للشخص مو على جنسيته على وش يقدم
حتى لو كان هذا الشخص من اقل دوله في الكوره الارضيه لكنه قدم شي ممتاز يشيدون فيه
انا اجزم ان الاغلبيه مايعرف العالم المسلم ابو جعفر الخوارزمي
اللي اوجد الخوارزميه
هذا العالم له كتب تدرس في الدول المتقدمه من مئات السنين
ماقالوا هذا شخص عراقي وجلسوا يحتقرون فيه
لكن هم نظروا للي قدمه هذا الشخص من شي عظيم وقدروه عليه
لكن ماقول الا ربنا كريم ويهدي الجميع