اقتباس:
مع الاسف
الى الان ما فهمت شي من اللي انا كتبتة
عشان كذا اكتفي بما ورد
واقول لك بصراحة يعجبني تفكيرك
|
الاختلاف وارد في طريقة فهم الامور وهذا الشي طبيعي
وكلن يفهم الشي من منظوره والشي الحاصل من حوله
لكن مادام الهدف واحد هذا هو المهم
انا ماختلف معك في الهدف لكن انا اختلف معك في منظورك للشي الحاصل في السوق
وهو انك تقول الاجنبي مهيئ له كل شي وانا اشوف العكس الاجنبي تواجهه صعوبات اكثر من السعودي لو دخل السوق لكن الفرق بين الاول والثاني هو العزيمه والاصرار والمثابره والجهد والصبر .
الاجنبي حصل فالبلد خير والمجال مفتوح له انه يكسب ومافي احد ينافسه من اهل البلد على هذا الخير .
طبيعي انه يسترزق وماشوف في هذا شي عيب لكن العيب هو ان اغلبنا يشوف الاجانب ماخذين ثلاث ارباع السوق ولا يقدر يدخل .
راح اوضح لك انا فكرتي ببساطه عن الاجنبي
انا مثلا لو رحت امريكا وشفت المجال مفتوح لي اني استرزق واطلع خير منها
فطبيعي اني ادخل المجال واسترزق واجيب اقاربي واخليهم يسترزقون دام الخير موجود ومافي احد من اهل البلد مهتم او داخل هذا المجال .
وانا اعتراضي على انه هناك لوبي يستهدف السوق ويحاول السيطره عليه
لو ماكان المجال مفتوح امامهم ماكان حصلوا هذا الخير يعني مو العيب فيهم العيب فينا حنا اننا مامسكنا سوقنا وخليناه مفتوح للاجانب .
هذي فكرتي ببساطه عن الوضع في السوق
اقتباس:
|
وبكل ذمه اقول مو غريب هذا حالنا لاننا طيبين زيادة عن اللزوم ولا نفهم وش اللي يدور حوالينا
|
بالعكس الطيبه شي جميل في الانسان والشعب اغلبه السعودي طيب وحبوب وعلى نياته
لكن الاهم من هذا هو كيف نملك هذي الصفات بدون ماحد يستغلها لمصالحه الشخصيه .
ولو اي احد دخل السوق راح يتعلم وراح يتعرف على ناس في السوق تساعده لين يوقف على رجله
الاجانب كيف يشلون بعض لانهم عارفين انهم هدفهم واحد واللي تغربوا على شانه
لازم نتفق على الهدف عشان نحقق نتائج ايجابيه للشباب السعودي .
اقتباس:
|
ولا زلت محتفظ ومعزم برايي
|
بلا شك احترم رايك اخوي وعلى العين والراس وانا ايضا لا زلت متمسك برأيي
اقتباس:
|
انا اشوف الاجنبي ماخذ حقة اكثر من السعودي بها البلد
|
ماختلف معك في ذا الشي ان الاجنبي ماخذ حقه اكثر من السعودي
لكن السعودي مضيع حقه اكثر من الاجنبي واللوم على السعودي مو على الاجنبي
لانه هو اللي مضيع حقه
اقتباس:
واذا كنت راعي سوق
فاعتقد انك طيب وابن حلال
ولا راح تطول بالسوق
|
يعني السوق يبي واحد مو طيب وابن حرام عشان يطول ؟؟
بالعكس اخوي انا طيب وابن حلال لكن اعرف اتحكم بطيبتي وماخليها تستغل
واعرف وشلون اكل اللقمه اللي لي قبل مايجي احد ويأكلها وانا اتفرج
واما اني اطول او ماطول فهذا في علم الغيب والله يعلم وش راح يحصل في قادم الايام
اقتباس:
موفق اخوي
ولك كل التحية والاحترام والتقدير
|
وياك يارب
وثق تمام الثقه اني ماختلف معاك في الهدف لكن اختلف معك فقط في منظورك للشي
وطبعا الاختلاف لا يفسد للود قضيه
والله يوفق الجميع لما يحبه ويرضاه