ماظنّ حصل ماحصل لو ما تمنّيتك ،
تتحقّق الـ : أمنية ، لو : ما انتمنّاها !
أوّل : ليا من كِتبتك .. جيت قرّيتك ،
وَ الحين الأبيات مثل الناس تقراها !
كل : ذكرياتي معك من يُوم خلّيتك ،
تمرّ ، في : شارع النسيان وَ ألقاها !
حبّيتك وَ أدري شـ معناة : ( حبّيتك )
مَـآقول حاجات مَدري وَيش معناها !
تطري علي : لا ( تذكّرتك وَطرّيتك )
وجيه مرّت علي وَ بسرعة : أنساها !
إلا إنت ، هذا إنت باقي : ما تعدّيتك ،
يديني لا ضقت .. تعرف وين تلقاها !
جمّعت فِ غيابك الورد .. وتباطيتك ،
وَ كل وردة تمُوت كنت آموت ويّاها !
صارت معي مزهريّة .. من تحرّيتك ،
لا جيت من غيبتك بـ أهدي لك إيّاها !