اقتباس:
المشاركة الأصلية كتبت بواسطة و تستمر الحياة
والله ياخوي انا نفسي كذا خصوصا اني بنت و من عائله محافظه يعني ماعندنا كلام البنت تطلع و تدخل و تشتغل على كيفها او بأي بمكان ..
انا عندي افكار اسويها بالبيت مثلا ( تغليف شوكلاتات الافراح و الحفلات مره روعه و عندي اكثر من طريقه للتزين ..
كمان الحمدلله ربي منعم علي بنعمة التفنن في عمل الحلويات و الاطباق عموما بس الحلويات اكثر شي ..
و ابي استفيد من هالنعمه بس ما حصلت الطريقه الصحيحه لبداية المشروع ..
فكرت اسوي لي تجاره بالنت خاصة بحلويات و ضيافة الحفلات بس ماعرفت كيف ابدى و لا كم راس مال احتاج و ماعندي خببببره ابد ..
تعجبني مره تجارة النت ..
|
اختي ما شاء الله الله منعم عليك بهذه النعمة وعندك هذه الموهبة كل شئ باذن الله يهون بس انتي توكلي على الله وابدئي
* حددي الأشياء الي تقدرين تسوينها والي انتي متمكنة منها.
* اعملي عينة من كل نوع.
* خذي لها صور.
* من البداية وعند شراء الأغراض احرصي على حساب التكاليف حتى تقدرين على أساسها وبعد المقارنة مع المنتجات المشابهة المتوفرة في الأسواق تحددين الأسعار.
* نسقي لك موضوع حلو وقدامك المنتديات انا ام فلان عندي كذا وكذا وهذه الصور ويكلف كذا وطريقة التواصل كذا.
* التوصيل اما تتفقين مع سائق توصيل يا كثرهم وله مبلغ معين عن كل توصيلة تحسبين تكاليفها على الزبون يوصل لبيت الزبون او تخلين الزبون يجي يستلمها من بيتكم.
وهذا الزبون اذا عجبه شغلك بيرجع ياخذ منك مرة ثانية ويجيب غيره وغيره يجيب غيره