1. كـم مـرة انضربـت مـن الطـلاب الأكبـر منـك سنــاً وحجمـاً ؟ ما صار شي إلا أني ضربت بنت أصغر مني وراه ما أدري كذا شطانه 2. هـل سـبق أن أحـد قـص عليـك وأخـذ منـك مصروفـك أو فسحتك ؟ لا لأن أمي تعطين أنا و أختي اللي أكبر من ريال و نص و النص ريال حقي مع أختي عشان بعد الطلعه نمر بقالة وأشري به : 3. هـل كنـت مـن الزوار الدائمـين للإدارة وتعـرف زيـن شكـل ورقـة التعهـدات ؟ أبد بحياتي ما دخلت الإدارة شغب 4. بصـراحـة : عمـرك غشيـت فـي الإختبـار أو غششت ؟ لا والله مطمسه راسي على الورقه لا أتلفت لا يمين و لا يسار 5. عمـرك شـردت مـن المدرسـة ؟ أيام الإبتدائية أعتقد بثالث مره وحده في حياتي بس مع بنت في حارتنا تدرس معي بالفصل بيتهم ورا المدرسه و حنا بيتنا بعد قريب بس يبي له مغطه البواب رفض يفتح الباب ألين يطلعون كل المدرسه أنا ما أستوعبت نفسي إلى الأن كيف تشنكرت الشجره و نطيت من السور تراه كان وسط موب عالي لو درت أمي ذاك الوقت ورتني الشغل بس كتمت على الموضوع 6. عمـرك سويـت مقـلب في مـدرس أو طالب .. إذا نعم اذكر المقلب لو سمحت؟ لا أنا أمشي سيده مهنا كيري ميري .. 7. مـا هـي المـواد التـي تحبـها / تكـرههـا / و هـل كنـت تحـب مدرسـها ؟ اللي أحبه الأحياء و اللي أكره الكيمياء بالله وشلون ينفهم و هو رموزه و ماينشاف بالهواء اللي أحبه مدرسة الفيزياء فاطمة المطرودي و مدرسة الدين بدرية الطامي الله يذكرهن بالخير تقاعدن الحين 8. كنت شاطر ولا نص نص ولا مالك في الدراسة ؟ الحمدلله شاطره .. 9. كنت تحب تروح المدرسة أو لا ولماذا ؟ أكيد أحبه لأن أبي أكبر بسرعه 10. أكثر مادة ماتحبها من أول مرة درستها وليش ؟ وأكثر مادة تحبها ؟ الكيمياء ما أطيقه لكن الأحياء عسل في عسل 11. أكثر مادة كنت شاطر فيها وعلى طول تجيب أعلى درجة ؟ الأحياء وهذا أول إختيار في دخولي للكلية .. 12. أحلى مرحلة مرت عليك , وأحلى سنة بالتحديد ؟ الجامعية سنة ثاني و طالع عشت لحظات حلوه مع نفسي 13. شي ماكنت تحبه في المدرسة ؟ حركات البنات النص كم 14. مدرس مادة لا يمكن تنساه في حياتك وليش ؟ فاطمة المطرودي لأني حبيتها و لازلت أحبها 15. موقف مضحك حدث لك أو لأحد اصدقائك ؟ ما أتذكر بصراحه .. 16. موقف محزن حدث لك أو لأحد اصدقائك ؟ أيام التطبيق العملي درست بنت معلمة درستني في المتوسط وبنتها برضو في المتوسط سنة أولى لكن في عام 1426 من يوم الخميس في شهر خمسه توفت معلمتي و بناتها و شغالتها ما بقي إلا بنوته صغيره و أبوها بس 17. هل للحين مستمر وعلى صلة مع صداقات المدرسة ؟ نعم وحده فقط لا غير 18. انت علمي أو أدبي ودخلت برغبتك ؟ علمي و برغبتي .. 19. موقف حصل معك في اختبار لايمكن تنساه ؟ ما أتذكر بصراحه .. 20. عرفنا عن دراستك وش كنت نفسك تدخل لو مادخلت هذا التخصص ؟ الحمدلله تخرجت من الثانويه العامه في وقتنا مافيه قدرات وتحصيلي و جبت نسبة حلوه دخلت الكلية العلمية تخصص أحياء و الخيار الثاني فيزياء فالحمدلله إختيار موفق .. 21. من ذكريات الدراسة وش كنت تكتب على الطاولة ؟ نجوم و بالرصاص أسوي زي الظل و بالمحايه أمسح و اسوي أشكال كنت فنانه بس ما احد اكتشفني 22. بكـل صـدق ... تتمنـى ترجـع طالـب فـي المدرسـة ؟ لا بس أتمنى أكون طالبة في الدراسات العليا و بحول الله تتحقق 23.كلمه اخيرة تود قولها ؟ شاكره لك و أعتذر لو مسيت تخصصك بأذى لأنك كيميائي