اقتباس:
المشاركة الأصلية كتبت بواسطة ريان علي
سلام عليكم
انا زيك ادور مشروع بنفس المبلغ لاكن في فكره تدور براسي الي هي مخبز وسوبر ماركت كبدايه تفتحين المحل علي قد فلوسك وبعدين مع الربح انشاء الله يبدا التطوير صدقيني المشروع ناجح لان الناس تدور الخبز ومنها تقضي للبيت واذا كان العجان شاطر راح تحصلي الناس تجي من اخر الدنيا علشان الخبز او الصامولي والله كنت اروح لمحل علي طريق البيت اشتري خبز وانا طالع من الدوام وكان مو قد كذا وبعدين سرت لاجيت يقولي خلص وبعدها نفس الموضوع سئلت الكاشير قالي غيرنا العجان وجبنا واحد ممتاز وسار الي ياخذ اول بريال الحين ممكن ياخذ بثلاث ريال
ومع التطور لاتنسي الفطاير والشابوره والحركات هذي
اهم شي الموقع اذا الموقع تمام والمنطقه مافيها مخبز وعدد سكانها كثير ابشري بالخير انا اعرف واحد فاتح مخبز وعلي نفس الشارع في اربع مخابز ماشاءالله ربحه في اليوم تقريباً ٤ الالف وتزيد احياناً ويفضل تشتري مع الوقت سياره ددسن وتوزعين صامولي للمحلات الثانيه والاستراحات لان كيس الدقيق مكسبه دبل ماشاءالله الي عندنا بالحي من الجماعه عنده تقريباً الان ٢٠ سياره وماسك دوائر حكوميه والسجن والبقالات والاستراحات والمدارس بشكل رهيب ماشاءالله يوميته الان ٢٠ الف تقريباً الفكره الحلوه بالذات مع التطوير والتخطيط التنظيم اهم شي
اسئل الله لنا ولكم ولجيمع المسلمين التوفيق
وانشاءالله اكون اعطيتك فكره محد يدري ربما تصبحي من اثريا البلد الله يوفق الجميع واي استفسار اخر بخصوص الموضوع انا جاهز
|
نحتاج منك موضوع وتفاصيل اكثر من البداية ، اذا الارباح بالطريقة هذي انا مستعد من اليوم ابدأ