مساء الخير أخوي ..

بالنسبة للعسكريه ما عندي خلفيه عنها وهي صحيح مرتبها حلو في البدايه لكن فكر في التقاعد كم بيصفى لك ..

بالنسبة لسلك التدريس أنا ما أدري هل الرجال يختلفون عن الحريم أو لا ..

لأن نحن الحريم ( ننطق في البيت ) إلين يجينا الدور في التوظيف و كثير من الدفعات النسائية حريم تعدن الثلاثين بمراحل مثل زوجة أخوي عمره 36 و تعينت العام و بنت عمي 35 و تعينت هالسنه ..

فغالباً دفعات الرجال تمشي ماشاء الله بالتوظيف بس أعتقد مافي نص من وزارة الخدمة المدنية في تحديد العمر ..

تحديد العمر فقط في حالة لو تبي تكمل دراسات عليا كمعيد في الجامعه هنا حدك 33 سنه وبس ..
الموازي مفتوح إلى ماشاء الله في العمر ..

بالنسبة لدراسة الإنتساب صحيح وزارة التربية و التعليم ما تنظر إلا لحاملي تخصص الإنجليزي و بقية التخصصات أكس ..

و ألغيت فكرة الإنتساب التقليدي و أصبح البديل الإنتساب المطور اللي هو التعليم عن بعد و حالياً أخوض هذي التجربة في تخصص إدارة أعمال مستوى خامس في جامعة الإمام و الله الميسر ..

للعلم أنا أحمل تخصص جامعي آخر و مجالات التوظيف مفتوحه بمشيئة من الله ..

أتمنى أني قدرت أوصل المعلومه لو بشيء بسيط و بالتوفيق ..