السلام عليكم ورحمة الله بركاتة


صباح / مساء الخير جميعا

الله لايهينكم عندي مشكلة واتمنى اسمع الافادات منكم وحلها

انا كنت اشتغل في شركه اهلية واسمي غير مدرج فالتامينات

وكان عندي مؤسسة تجارية باسمي فقط سجل تجاري من غير مشروع

واخوي عنده عاملين حداد ونجار

طلب مني اخوي افتح ورشة حداده باسمي وهو يشتغل فيها بعماله

وتم ذلك واستاجرت لي ورشة خارج منطقة الرياض وشغلت الورشة له

طبعا الورشة جديدة ولا فيها ذيك المعدات والاليات يعني شغل مبتدئ

واخوي كل اللي اشتغل فيه انه صنع غرفتين فقط

وبعدها ترك الورشة

الان انا ابي اشتغل فالورشة واباخذ العاملين اللي باسم اخوي بشتغل فيهم

طبعا انا ماعندي اي خلفية عن شغل الحدادة ولا اي معلومه وكذلك اخوي خبرته قليله

المهم انا قدمت على ريادة للتمويل والقروض وموعدي معهم بكره مقابله شخصية
لاني ودي اقدم على قرض بحدود 90 الف واشتغل فيها

والصراحة انا مادري اذا استلمت القرض اشتغل بالمبلغ فالورشة او اشوف لي شغله ثانية

المهم اني ابغا اخذ القرض عشان اطقطق فيه على اي شغله فيها ربح

والمشكلة الان بكره فالمقابلة مادري وش راح يسألوني ووش ابين لهم مشروعي

خصوصا ان الورشة قائمة مستاجر حوش وعندي عمال

لذلك بغيت افاداتكم الله لايهينكم

اقولهم ان عندي ورشة وعندي عمال ولا ماعطيهم خبر لاني اخاف يرفضون التمويل

الشي الثاني مادري كم يكلف المشروع وان سالوني عن تكلفة المشروع ماراح اعرف اجاوب لاني مادري كم يكلف من معدات وحديد ... الخ

وكذلك ان سألوني عن طريقة تشغيل المشروع ؟؟؟؟ وش اقول لهم لاني ماعرف كيف اشغل الورشة

الشي الاخير وش تتكون منه المقابله من ناحية الاسئلة ...

تحياتي