السلام عليكم ورحمة الله وبركاته

دخلت اليوم المقابلة الشخصية طلبوا منا الحضور مابين9:30 ونص الى الساعه 10 صباحا كان عددنا 10 اشخاص والشاغر عندهم مقعدين وطالبين واحد احتياط (توضيحا فقط لما دخلنا الاختبار كانت الاسماء تقريبا 45 وماحضر الاتقريبا 15أو14 وبالتالي ما استبعدوا الا4أو5 اشخاص )بدأت المقابلات استغربنا من عدد اللي يعملون المقابلة كان عددهم 7 اشخاص تدخل في نفس غرفة اجتماعات وتجلس ويبدون بالاسئلة الروتينية عرف بنفسك وعلاقة تخصصك بالادارة التعليمية ووين حاب تكمل هنا وبالخارج طبعا أنت وحضك على حسب تخصصك ممكن يناسب أحدهم وبالتالي يتعمق معك في الاسئلة فبعض الشباب فتح له باب واحرج والبعض كان دقيق وحاول يجيب بشكل عام البعض وجهت له اسألة تقرا لمين وكيف تقضي يومك وايش عندك فكرة تكمل في الماستر واذا اخترت شي ليه اخترت الجانب هذا وايش تعرف عنه فكانت على حسب تخصص الشخص طبعا المقابلات كانت تصل الى 20 دقيقه بعضها والبعض 15 دقيقه على حسب حوارك معهم ومعلوماتك كل اللي ابي اقوله راح تواجه بعض الاسئلة المحرجه لك وقد لاتجد لها اجابه فتقبل الامر لانه ممكن يأثر عليك فخلك طبيعي وتأكد ان كتب لك شي فراح تاخذه والله يوفقنا ويوفقكم