السلام عليكم
طبعا انا مثل ما قلت لكم موعدي الثلاثاء .. يعني اليوم .. سألتكم وما جاوبتوني ):
أهم شي صار في الملتقى ..
بدأت المحاضرة الاولى مع د. ماجد القحطاني
قال فيها ان الأغلبية يسألو ماذا بعد الملتقى ؟ الجواب هو السفر مباشرة بعد جلب قبول دراسي من معهد لغة للدراسة لمدة سنة وقابل للتمديد 6 اشهر , وهذا يكفي لصدور قرار الابتعاث

قال نصدر قرار الابتعاث خلال 3 أشهر << ما فهمت عليه كثير هالنقطة
وقال ان الفيزا لاتحتاج خطاب سفارة بالنسبة لأمريكا

الاغلبيييييية سألت عن تغيير التخصص ,, شددوا على ان ما نقدر نغيره لأن هذي التخصصات اللي متاحة ,, يعني مثلا انا انجليزي واخترت تسويق ,, راح ادرس سنة للغة + سنة مواد تختص بالتسويق وجيمات ورياضيات تهيئني للتخصص ,, بعدين ادرس ماجستير..
الأغلب قالوا في احتمال نقدر نغيره اذا رحنا هناك وكلمنا الملحقية ..

**
المحاضرة اللي بعدها كانت عن كيفية فتح ملف للطالب في الملحقية عن طريق نظام سفير للطلبة .. شرحوه وكيف نسجل فيه وقال الدكتور هذا رح يكون في حال الوصول الى بلد الدراسة ..

**
بعدها كانت محاضرة عن معادلة الشهادة الجامعية .... طبعا غفيت فيها من التعب هههههههه

**
بعدها كانت محاضرة عن المبتعث واخلاق المبتعث ,, شددت الدتورة على عدم التعامل مع أي أحد من الدول العربية الاخرى والثقة السريعة بالاخرين
عدم وضع أي بطاقة شخصيىة لآي شخص آخر بتاتا .. لأن ممكن يصير في تفتيش فجأة ويشوفوا اوراق او اثبات لأشخاص آخرين ,, فا أنت اللي رح اطيح بمشكلة ويرفعوا عليك دعوى انتحال شخصية !
ما نحمل معنا غير اثباتنا اللي هو جواز السفر ..
شددت على عدم الخوض في جدال مع أحد والهدف الأول لك يكون الدراسة .. مع صفاء النية والالتزام بالصلاة ..

**

بالنسبة للي وصلهم الضمان المالي وفيه خطاء من ناحية السبيلينغ ... يعطيهم صورة من جواز السفر ويكتب عليها رقم الطلب ...

**

بالنسبة للنسبة اذا لازم من 4 أو اذا كانت مئوية : قالت هذا حسب الجامعة اللي رح ندرس فيها ونقدر نسويه بعدين في حال طلبت الجامعة هذا الشي يعني لا تستعجلوا ..

بس تقريبا هذا كان اهم شي وعندي بكرا كمان ...
الله يوفقكم جميعا ...