|
* التطبيق عن طريق الكمبيوتر وهذا إللي يبونه الموجهات .. أهـ
* التطبيق عن طريق أوراق العمل .
* تسوين مكعب رباعي أو سداسي ملون وعلى كل وجهه سؤال مكتوب واحد من الأوجه
فيه جائزة بدون سؤااااااااااااال ..!! يفرحوا فيه البنات ..
يرمونه في الهوا والوجه إللى يكون أعلى وفيه السؤال يجاوبون عليه .
* لوحة فيها كروت من المكتبة تفتح من جهتين وشكلها يكون حلو.. وترقيمينها من فوقها
بحيث البنات يشوفون الأرقام .. وداخل الكروت ورقتين على بعض فيها سؤالين مختلفين ..
وكوني مجهزة سلة فيها أرقام مكررة .. أو على كيفك لا تكرري الأرقام .. وكل مجموعة
تختار رقم.. وتروح تفتح الكرت وتاخذ السؤال وتجاوب عليه ..
و حطي في كرت جائزة بدون سؤال ..!!!
* لوحة الأبواب من الفلين فيها ستة أبواب .. تقص من ثلاث جهات والرابعة تقص لكن
يبقى ملتصق بالفلينة .. وتزينيها على ذوقك
وتفتح الطالبة الباب وداخلة السؤال والجائزة ..
و حطي في باب جائزة بدون سؤال ..!!!
يحبون البنات هذا الجزء .. ياخذون جائزة بدون السؤال و يطيرون فرحة ..
( يمكن حسب المرحلة العمرية للبنات )
|