إسلام عليكم ورحمه الله
عندي مشروع أتمنى من كل قلبي انه يتحقق وآمن مستقبل عيالي
لان الوضع المادي لزوجي يمشي الحال بس وكل الي حوالينا ماشالله عليهم
انا راضيه الحمد لله بس عيالي يكسرون خاطري مابي شي ينقصهم
وأتمنى منكم تساعدوني وسجلت بالمنتدى عشان أخذ رأيكم وهاذي اول
مشاركه لي ومابي اطول عليكم المهم
انا اصمم ازياء وعندي ذوق رفيع من كنت صغيره بالابتدائي
والبنات الكبار ياخذون رأيي ورسامه وقلت ليش ماستفيد من موهبتي
وفكرت اسوي مشروع اصمم فساتين سهره وزفاف وفساتين وأطفال
مبدأي وأنا اعرف اصمم كل أنواع الملابس بس فكرتي أني استأجر محلين
محل يكون بأي مكان أسويه معمل صغير يعني يخيطون فيه العمال
والمحل الثاني يكون موقعه زين وابيع فيه الفساتين المطلوب منكم اخواني الإجابة عن بعض الأسئلة:
- كم احتاج من الخياطين 2 او أكثر لأني ابي ابدأ مشروعي صغير واكبره حبه حبه أن شالله
- كم يستطيع الخياط خياطه فستان بالأسبوع
- كيف أدبر راس المال سمعت عن شركات تدرس المشاريع النسائية
وإذا كان ناجح تعطيها قرض وأنا حاليا معي 10 آلاف
- من وين اشتري الأقمشة بالجملة والمعدات
- راتب الخياط ثابت او لا
-كم تتوقعون يكلف علي المشروع وأكرر انا ابي بدايه صغيره


وأخيرا إخواني الي عنده معلومه لا يبخل علي حتى لو رفع لمعنوياتي ولله يجزاكم خير