فكرتك لاشك انها جبارة
وأأؤيد الفكره مليونين بالميه

لاكن بوضح لك الفكره من ناحيتي انا شخصيا بعدم الرغبه بعض الأحيان من شراكه
ولا اقول كل الشراكات لا
في الشراكه لازم تبحث عن الإنسان الصدوق الخلوق المؤمن بالله قبل كل شي
وانا عن نفسي اضيف فوق هذا ان يكون ليس صاحب سفريات
ممكن تقول ليش
لأن راعي السفريات وخاصتن الشباب الحين يسافرون على أشياء محرمه والعياذ بالله
وهذا انسان مايعررف يوفر فلوسه
لما يطفر الشاب بيرجع للمبلغ اللي مشترك فيه
صح بيكون بينا عقد شراكه يتجدد سنويا
لاكن ولو ليه ادخل بقروب وأسس على أساسه بعدين نختلف وأدور على شريك جديد

ولا أخفيك أبحث حاليا عن شركاء والحمد الله حصلت واحد أساسي والثاني يرتب وضعه
راح نتشارك في شراء الأراضي وبيعها لو بمكاسب بسيطه
والمكاسب البسيطه طبعاً لأن البيع راح يكون سريع
وأنا اللي راح أترئس المجموعه هذي وحاط شروط فيها تناسب جميع الأطراف

وأن توفقنا أنا وأصحابي بإذن الله بحاول ادخلهم شراكات في مشاريع انا أرغبها

والله يوفق الجميع لما يحب ويرضى
والله يهدي جميع الشباب
والله يوظفهم ويعينهم يارب

تحياتي :~