الحمدلله ياشباب سويت المقابله واخذت الدفتر الاخضر
وسبب تأخيري هو اني بالمدينه المنورة وسافرت ذهبان بالليل وسويت المقابله واول ماطلعت على المدينه وجيت تعبان ونمت وهذه صحوتي
المهم ماحصل معنا كان جدا سهل ومثل ماقال اخوي حمني جزاه الله خير
والدعوه كانت تساهيل وحتى الظباط والافراد جدا متعاونين
الطول والوزن فيه طررد ( الطول لازم يكون متناسق مع الوزن وطردو ناس قدامي الله يرزقهم )
اما اللي يقول اللي اخذ الدفتر هو مقبول هذا غير صحيح لأن الدفتر تاخذه قبل الطول والوزن وقبل المقابلات 1 و 2
وبعض الشباب عدى من الطول والوزن والمقابله 1 ( كانت جدا سهله كم سؤال عن نفسك واسئله دينيه )
اما المقابله 2 احذرو من اشياء سأذكرها لان النقيب كل مايسوي مقابله مع واحد يجينا معصب ويحذرنا من عده اشياء ويقول انتبه منها وهي
1 - عدم الضحك بوجهه لانها نوعا ما استفزازيه
2 - لاتحاول تجاريه بكثره الكلام فقط اكتفي بالجواب
3 - خلك ثقيل ورزين ولاتصير مره خفيف
4 - ارفع صوتك بحيث يكون واضح ومفهوم
5 - والشيء اللي ماتعرفه لاتغلط قول ماعرفه ببساطه

بالنسبه للمراحل من اول ماتدخل الى ان تنتهي هي كالتالي
1 - تدقيق بالاوراق والصور والشهادات ويسلموك الدفتر الاخضر وتكون على اكثر من عسكري عبارة عن طاولات بها عسكر وكلهم افراد
2 - تدقيق بالوزن والطول وختم لائق
3 - بعدها المقابله 1
4 - ثم يدخلونك على غرفه بطاولات وكراسي ويسلمونك اوراق تعبيها مثل بياناتك , ووين سافرت , وقنوات تتابعها وووووكثيره شوي بس سهله جدا
5 - بعدها المقابله 2 ( هنا مربط الفرس وانتبه من كل كلمه )
6 - تحليل البول والبصمات
7 - مع اقرب باب وعلى بيتك

اما من ناحيه الاسئله كل شخص يسألونه سؤال مختلف عن الاخر لكن تتمحور عن الدين والثقافه العامه وامور البلد وووو ولو اخطيت مافيه مشكله

والله يوفق الجميع لما يحب ويرضى