[align=center]
فكرة جميله انا لي صاحب يشتغل فيها ومعين خير

أول شيء لازم تعرف كم نقطه وهي :

اسعار السيارات جديده , اسعارها مستخدمه , اسعارها مصدومه , اسعارها مصلحه ومصدومه

بنفس الطريقه لازم تعرف

اسعار قطع الغيار الاصليه , التجاريه , قطع غيار التشليح والفرق بين كل قطعه

وهالاشياء تعرفها بالممارسه

لازم يكون عندك لسته ارقام تشاليح + محلات قطع غيار وتكون متفق معهم ويعرفون انك

تشتغل بورشه

تكون متعامل مع ورشه بمجرد انك تحصل السياره المصدومه تكلم الورشه يجي يطلع على السياره

ويعلمك القطع الي تحتاجها واذا عرفت القطع تتصل على موفري القطع وتحسب تكلفتها + تكلفه

شراء السياره وتحط ببالك مبلغ راح تجيبه السياره حسب خبرتك بأسعار السيارات المصلحه

يعني مثلاً فورد تورس موديل 2011 سعره جديد ماشي 20 الف كيلو موصفات سعوديه بالسوق

80 الف وانت اشتريت مصدوم وطالع ارباق ومع تكلفه الاصلاح طلع عليك 45 الف يعتبر حلو

لأنك ممكن تبيعه الى 60 الف اكثر من كذا مابتلاقي احد يشتريه لأن الناس بتسوي كشف

وبنهايه انصحك لوجه الله هذا المجال صعب لأنك بتلجأ للغش والتدليس اذا انت شايف نفسك

ضعيف وممكن تغريك الفلوس ابعد عنه ترا كل شيء ولا الغش بالبيع ترا ربك يمهل ولا يهمل

وكل شيء محسوب ومسجل والله يوفقك مجرد نصيحه اخ يحب لك الخير
[/align]