اقتباس:
المشاركة الأصلية كتبت بواسطة الفيصاء
اول شي ياطيور بلا أجنحة ؛ أرجعي وعيدي قراءة ماكتبت قلت ؛ حسبي الله ونعم الوكيل على الناس التي صنفت التعدد بالحرام
وهذولا ناس بنسبة كبيرة بالمجتمع
لدرجة في احد المرات ذكرت احدى الأخوات انها يهون على قلبها سفره للحرام ولا يتزوج عليها
اين الغيره الدينيه هنا اين هيا اهم شي نظرة الناس لي ان زوجي ماتزوج علي
شوفي ياقلبي والله زمان جدي وجدك يطقون اربع حريم وحالاتهم يازينها وعيالهم مع بعضهم. وأمورهم رغم ان الحريم لا وظايف ولا شي احسن مايكون
الان انت ياحلمي التدريس توافقينها بكلامها وتقولون كفت ووفت
بنات بنات حرام عليكم خير رجالنا راح للااجنبيات صار اغلب الرجال يجيب المغربيه والشاميه بمبلغ بسيط ويتزوجها ويقول بنات السعوديه مايبون التعدد
انتم ماتحسون بالقهر يوم تشوفون الرجال يجيبون الأجنبيات حرمه ثانيه وثالثه
والبلد مليانه بنات يعني هل هذا صحيح ؟؟؟؟
لازم نفكر بعقولنا شوي وتوسع الدائرة فيها !!!
والله ان الرجل اذا يبي يتزوج ماعليه بااحد يتزوج فالمفروض بهذي اللحظة
نجعل الاستفادة من بنت بلدي افضل من اجنبيه صدقوني قيمة كلامي
الان تحسونها مجنونه لكن بكره يوم تشوفون الأجنبيات مستفيدات
بتعرفون ليه أنا اقول هالكلام والله ثم والله انقهر وأموت قهر يوم ولد ديرتي
يترك بنات السعوديه ويجيب لنا اجنبيه ليه ليه
أكيد مافي احد عارف بقيمة كلامي وايش اقصد لكن الايام القادمة تشوفون امثال مااقصد موجودات بالمجتمع ؟
خلاص كلامي غير صحيح ويابنات الله يوفقكم ويستر عليكم لا تتزوجون متعدد حتى لو كان اكمل الرجال !
أنا اسفه لو كلامي غلط لكن هذي وجهة نظري لوحدي يمكن أنا اشوف مجتمعي
وجداتي والقبيلة الله اعلم
الله يزوج الجميع بمن يحبها ويرضاها بعقلها ودينها
شكرا لكم
لا تزعلون ادري غيرة بس اسفه الغيرة على الدين اقوى
الحرام شي مانرضاه لعيال ديرتنا والعفة بالحلال واجب .
|
حبيبتي الفيصاء انا لا اعترض على رئيك انتي حرة فيه بس لا تتكلمين بصيغه الي يلا يابنات السعودية (( خوذو متزوج )) ليه يعني والشباب مين ياخذهم ياختي ياكثر الشباب الي عزاب ليه صارو ماينفعون بنظرك ..!! صارو المتزوجين هم الي بيقضون على العنوسة !!!!!!!!؟؟؟؟
وش الزواج بانسبة لك الزواج ياعمرى (( موده ورحمة )) هل انتي راح تلاقين من رجل متزوج موده ورحمة لا بالعكس راح تلاقين نظاام جوارى كل وحده تستنى دورها ..
طيب وش تستفدين اذا خربي على وحده حياتها واخذتي منها زوجها الي شافت فيه ابوها واخوها وولدها وكل حياتها .....؟؟؟ هاااااااااااا !!!!! ليه التخريب ..؟؟؟
عموما انتي خوذى متزوج الله يوفقك ,, بس انا وغيرررري كثير ما يحبون هالشئ والسبب ....؟؟؟؟؟ لاأننا مانرضى نبي سعادتنا على تعاسة احد الي هي تعاسة بنت بلدي الي اتمنى لها الخير مو قصه حرمنا التعداد لكن يقولك ( لا يؤمن احدكم حتى يحب لاخية ما يحب لنفسة )) وهالشئ هذا بالتحديد ماحد يرضاة يصير معه ..
لمى تضربين مثل بسورية ومغريبة ما اظن أني ارضى اني اكون مثلهم , انا سعودية وافتخر بنفسي مابي اتقلد بسورية ولا مغربية ..
وبعدين ذولى ماراح يرضن بالسعودي عشان سواد عينة عشان هي فقيررة والفقر حدهاا لكن حنا وش ناقصنا مانقصنا شئ وعمرى انا ما اتزوج سعودي عشان فلوسة بتزوجة لاني بكمل نص ديني وبعيش انا وهو احلا حياة ..
والحرمة الي تقصر بحق زوجها هو الي راح يتزوج عليها وبس ..
ودي اسالك سؤال لو تزوجتي واحد على زوجتة وبعدين اكتشفتى انه يحبها وانتي على الهامش وش موقفك...؟؟؟؟ بتتعاملين مع نفسك انك بدون احساس عشان التعداد مو حرام الله يقول لا تلقو بانفسكم الي التهلكة
عادي لهدرجة نفسي رخيصة على ارضى اعيش عنده مجرد خادمة ... لا حشى كرامتي الزم ماعلي اعنس ولا اعيشها ..
والله يسعدك ياختي اسفة على الاطالة ..