اقتباس:
المشاركة الأصلية كتبت بواسطة ღوٍآثق آلخطوٍةღ
ممكن توضح وش الضغط الجسدي والنفسي بالضبط؟
انا قريت مشاركات سابقة لبعض الاعضاء..
واحد يشتكي انهم يقومونه قبل صلاة الفجر بنص ساعة
وواحد يشتكي من تحديد وقت للاكل..
ما ادري هل تعتبرون هالشيء ضغط نفسي عليكم؟
كل الي قريته شيء عادي وتافه وبعض الاحيان امارسه انا في البيت من نفسي...
فياليت واحد يعلمنا وش الكرف بالضبط ..
لاني ملاحظ العساكر بشكل عام .. يتشكون كثير من وضعهم .. هم والمعلمين
والواقع الي نشوفه انهم اكثر ناس مرتاحين رواتب & اجازات
الا اذا كان فيه اشياء خافية ماندري عنها..
|
هدف الكليات والمعاهد العسكرية من الدورات هو انك تكون منفذ للاوامر مهما كانت ظروفك النفسية والجسدية
فيحاولون يستغلون اللحظات الي تتوقع فيها انك ما بتسوي شي ويحاولون يشغلون جدولك ببعض النشاطات اﻻجبارية والجسدية الي تهلكك وتخليك تكره نفسك
يعني يروضونك للحياة العسكرية عشان تكون صبور ومتحمل لاي شي
عشان لو صار حرب او اي شي مستقبلا ما تكون متردد في تنفيذ اﻻوامر او جبان
المشكلة ان النوم قليل واانشاطات كثيرة ومتعبه ونادرا احد يتحمل
والمشكلة اﻻشخاص الي تتعامل معاهم هناك اسلوبهم قذر وينرفز ويقهر عشان كذا ما نحب هالشي ونتحمل غصب
والراحة الي تتكلمون عنها تجي بعد التخرج مو الحين
الان كل شي متعب وممل
حتى دخولك وخروجك من اي مكان ﻻزم يكون بإذن وتحت ضوابط معينة
بس شي باﻻول يكون عليك غريب وفجاه تتعود وتصير تتقبل هالامور عادي
عموما انا استاذنكم بهج للكلية عندي تحضير ولنا لقاء نهاية اﻻسبوع ان شاء االه
مووفقين خيرر ي وحوووش