اقتباس:
المشاركة الأصلية كتبت بواسطة هاوي الشمالية
السلام عليكم
يعطيك العافية يا نطاح الغمام
انا جيت الجامعة وليقت رسوم الدراسة في كلية الهندسة الكهربائية 29000 ريال لاكن مافهمت هم يقصدون السنة الواحدة ولا الترم الواحد ؟
وبعدين انا جيتهم ابي اكمال دراسة تجسير ومعي دبلوم ميكانيكا من الكلية التقنية لاكن مافي الجامعة نفس تخصصي وقالوا لي راح نصلح لك معادلة بسيطة وتكمل هندسة كهربائية
ابي اسال الله يسلمك
كم تطلع الرسوم في السنة الاولى والثانية والثالثة وكم مدة الدراسة كاملة وهل فيها ترم صيفي ؟
وبعدين سمعت ان فيها منح مجانية في حال تعدى معدلك 4.00 من خمسة ؟
وانا مليت من البطالة
وتقديم الجامعة هذي يبدا شهر 2 الجاي
وانا محتار في امري هل اغامر واكمل صباحي في هالجامعة وفي حال انقبلت اقدر اتوظف واداوم الصباح يعني اقدر اكمل باقي دراستي مسائي .
واعذرني على الاطالة لكني في انتظار اجابتك المريحة ....وشكرااا
|
هلا ومرحبا اخوي.....
بالنسبة للرسوم 29 الف لسنة كاملة ,,,,, والمبلغ الكامل للدراسة 73 الف لثلاث سنوات ,,, مقسمه كتالي
السنة الاولى تدفع 7500 ريال لكل فصل بمجموع 15 الف
السنة الثانية تدفع 14500ريال لكل فصل بمجموع 29 الف
السنة الثالثة تدفع 14500 ريال لكل فصل بمجموع 29 الف
والجامعة ماراح تقصر معك إذا شفت المبلغ صعب ,,, تقدر تقصد 3625 ريال كل شهر
وبالنسبة للمنح الدراسية ,,,, فهي الحل الافضل ,,, و في هذي الجامعة 3 منح دراسية
منحة الامير فهد بن سلطان من شروطها يكون معدلك فوق 4.00
ومنحة الشيخ صبيح المصري وهي مخصصة لطلاب الاجانب
ومنحة التعليم العالي يكون معدلك فوق 3.75 ،،،، وهي الافضل
وبالنسبة للدوام فهو اختياري بين الفترة المسائية والفترة الصباحية
واي استفسار انا جاهز ...