اقتباس:
المشاركة الأصلية كتبت بواسطة الى متى عاطله
صراحه شي يقهر ويحز بالنفس خير وظيفة بياعه بمحل انا ضد هذا الشي دوام زي القرف فترتين مايمدي الواحد حتى يتفرغ لبيته هذا غير انه اختلاط ومايحتاج عاد الفضايح شغاله و نسمعها يوميا ولا وش الوظايف الثانيه مراسله وبائعه بقصف ومرافقة مقصف والراتب 1500 يعني الحين ادرس واكرف الين ماصرت جامعيه اخر شي هالوظايف تنعرض علي حلوه هذي انا معده للتدريس فقط ولا اقبل اقل منها الحين لما نبغى نقدم على وظايف زينه ورواتبها حلوه اداري مثلا مايقبلونا عشان مؤهلاتنا ماتصلح اداره مثلا مالنا الاالتدريس يعني هالوظايف الي يجيبها حافز هي الي تصلح الله اكبر عليكم بس
بالنسبه لي اطالب بتمديد حافز خصوصا للجامعيين المعدين جيدا للتدريس اوغيره من التخصصات الين مانتوظف لانا انظلمنا تعبنا ودرسنا عشان الوظيفه وفي الاخير تقفلت الابواب بوجهنا ياوظايف حافز يتنقطع الاعانه ذل مابعده ذل الله يفرجها
|
مثل ماقلتي جد قهر الشغل صحيح مو عيب لكن البعض يلجأ للأستغلال خصوصاً لو شافو بنت .. انا من اليوم وعايشه في صراع مع نفسي اوافق او لا في الأخير رديت خبر بأني مو موموافقه لأن الوالد مو عاجبته طريقه الدوام بما اني بنت والأوف يوم يقول وش راح تسوين في هذا اليوم ؟؟ ما راح يمديك تروحين حتى تزورين اهلك بما انهم بمنطقه ثانيه او بتنامين او بتسوين اشغالك اللي عندك انا ما اعترضت على كلامه لان كلامه صحيح ..
ما حاولوا يسهلون على البنات .. بختصار هم يعجزونا علشان يقولون قدمنا لهم وظايف وهم رفضوها ..
يوم رفضت قالت لي المستشارة بما انك رفضتي في ورشات عمل راح تفيدك اذا حضرتيها
اصلا نفسي انسدت اروح اضرب مشوار ويسمعوني محضرات على الفاضي ؟؟!!!
حافز حق من حقوقنا .. ليه الدول المجاوره واقربها لكويت ينصرف للشخص من ينولد مبلغ معين غير اغراضه الشخصيه من حليب وحفايض تنصرف ببطاقه تمونيه واذا كبر وقرر يتزوج يعطونه قرض وما يطالبون انه يرجعه لهم ؟؟
كفايه ظلم واكل حقوق الناس في ناس ظروفهم ما يعلم بها الا الله بيصيرون برقبتهم ليوم القيامه ..
الله لا يسامحهم لا دنيا ولا اخره