السلام عليكم ورحمة الله وبركاته

أنا اختبرت عندهم قبل أسبوعين وحبيت أوضح لكم وش صار معي

في البداية هم اتصلو علي وحددو الاختبار معنا في شركة السلام بمطار الملك خالد بالرياض
ومكانهم عند الطيران الخاص في المنطقة الصناعية

الاختبارات تعتمد على السرعة في الإجابة

الاختبار الأول: طبعا تعبير عن نفسك بالأنجلش واعتقد مدته 20 دقيقة

الاختبار الثاني : مدته نص ساعة وفيه 80 سؤال اختيارات بالأنجلش .

الاختبار الثالث : عن السلامة من الخطر بالعربي .. تقرى النص وتجيب على الأسئلة .. سهل جداً بس الوقت مايكفي .. لازم السرعة بالحل.
الاختبار الرابع : أساسيات الرياضيات ويعطونك آلة حاسبة
الاختبار الخامس : عن أساسيات الميكانيكا

الاختبار السادس : يعطونك شكل هندسي مركب أمامك ويطلبون منك تركيب شكل مثله في ربع ساعة فقط .

الاختبارت كلها اختيارات ماعدا التعبير بالانجلش ..
من بداية الاختبار يبدون في تقليص الوقت عليك ولازم السرعة في الحل.

طبعا أنا أتكلم عن الاختبارات للجامعيين فقط أما الثانوي مالي علم فيها

دخلت عندهم الساعة 10 ونصف الصباح وما طلعت منهم الا الساعة 3 ونصف العصر.

وبالتوفيق للجميع ..