السلام عليكم

اخواني انا عندي مبلغ وقدره مايقارب ال 60 الف ريال

ودي استثمرها بمشروع اقدر اصرف فيه على بيتي خصوصا اني صاحب اسره ومتفرغ بشكل كامل لعدم توفر الوظيفه والحمدلله على كل شيء

المهم اخواني انا ابي احد يوجهني او يطرح لي استشاره عن مشروع بالمبلغ المذكور اعلاه

بتسألوني وش ميولي بقولكم جوالات وكمبيوتر تخصص 100% فاهم فيها بشكل كبير نسبياً سواء صيانه سوفتوير او برامج

بس المشكله ان محلات الجوال والكمبيوتر صايره مثل الرز بكل حي تلاقي 6 محلات جوالات و 5 كمبيوتر


المنطقة المدينة المنورة

لقيت لي محل ايجاره معقول ومناسب لمحل جوالات او كمبيوتر باجر سنوي 10 الاف ريال ومكانه معقول نسبيا بس المشكله الحي يكتض بمحلات الجوالات والكمبيوتر وانا خايف اغامر بهالشغله الي هي كمبيوتر او جوالات

اتمنى وصلت الفكره بشكل مناسب لكم

والي عنده فكره مثلا عن مشروع وحاب يطرحه لي سواء بنفس الموضوع او بالخاص لو يحط رقمه واتصل عليه ماعندي اي مشكله اهم شيء الواحد يلقى النصيحه

وفي النهايه التوفيق كله بيد الله

شكرا للجميع