اقتباس:
المشاركة الأصلية كتبت بواسطة أعجوبة
السلام عليكم ورحمة الله وبركاتة
أشكركم على مجهودكم وأتمنى تردون على أستفساراتي
1/ أن شهادتي بكالوريوس أقتصاد منزلي وتربية فنية هل يمكن أني أقدم على المرتبة السادسة ويقبلوني
مع العلم أنو الوظيفة الي قدمت عليها ما تطلب تخصصي شكل وزارة العمل بكبرها ما تقبل هالتخصص 
2/ خانة الهدف المهني وش أعبيها ...؟
3/ أنا حطيت اني أجيد الحاسب الآلي واللغة الأنجليزية و أنا ماعندي دورات لهم أصلاً لكن أعرف لهم
هل يستبعدوني ؟
4/ مسمى الوظيفة حطيت نفسه اسم الوظيفة الي قدمة عليه نسخه وحطيته صح و الا غلط ؟
/ في خانت الوثائق ما عندهم في الخيارات أمتدات الصورة jpg رحت وحطيت الصور الشهادة و الهوية في الورد وصغرتهم شوي و حملتهم في الموقع صح و إلا ؟
6/ طلع لي يوم أخترت تقديم على الوظيفة أنه مؤهلي ما يتناسب مع شروط الوظيفة بس ضغطت أستمرار وش معنتها ؟
وشكراً |
برد على الاشياء اللي احس إني فاهم فيها شوي
1ــ يجي من يفيدك لكن من كلام بعض الاخوان دام إن شروط الوظيفة اللي إنتي مقدمه عليها ما تقبل تخصصك لا تقدمي عليها شوفي وظيفة بالثانوي تناسبك (( أخاف يستبعدونك ))
فيه كذا واحد هنا موظف في الوزارة (( ابك )) تلاقينه هنا و ( وولد العزيز )) تلاقينه في اعلان وظائف الوزارة في آخر الصفحات يرد عليك ...
2ــ الهدف الوظيفي مثل أبحث عن وظيفة في مجال عملي أو قريبة من مجال عملي وخبرتي .
ولكي أستطيع التطوير من ذاتي والوصول إن شاء الله إلى أعلى المناصب في مجال هذا العمل وتحقيق طموحي وكسب مهارات وخبرات ومعلومات جديدة في مجال تخصصي .
(( منقول من احد الاعضاء هنا ناسي اسمه ))
3ــ المهارات لا تكتبي فيها اللغة الانجليزية لأنه في خانه خاصة بهذا الشيء
( يقلك اللغات التي تجيدينها ومستوى الاجادة مبتدئ متوسط متمرس وعدد سنوات الخبره في اللغة ومتى آخر مره استخدمت فيها اللغة ومثل كذا (( لا تكتبينها مع المهارات ))
وبالنسبة لمهارات الحاسب حتى لو ما عندك دورة اكتبيها عادي ولو تجيدين شيء ثاني اكتبيه حتى لو ما فيه دوره (( عادي لا تخافين ما يستبعدونك )
4ــ قصدك اللقب الوظيفي المرغوب عادي حطي الوظيفة اللي انتي مقدمه عليها (( بس لا تنسين تقدمين على وظائف الوزارة بوظيفة تناسب مؤهلك او اقل شيء قريبة من مؤهلك )) يعني ما يكون هناك معارضة يعني مثلا وظيفة طالبين فيها
مشغل حاسب آلي اوكيه ...
وإنتي معاك دبلوم حاسب برمجة او صيانه تقدمين عادي
عن نفسي كتبت مسمى الوظيفة اللي مقدم عليه و 4 او 5 مسميات غيرها
بهذا الشكل مسجل معلومات،مساعد اداري،مشغل حاسب،خدمة عملاء،سكرتير،موارد بشرية
اذا بتقتصرين على وظيفة عادي لكن انا اتذكر اول مره سجلت بالموقع اطلع على سيرتي 22 شخص (( تم عرضها مدري بحثها )) بعد كذا حذفت سيرتي وقدمت من جديد لأني كنت مقدم على 4 وظائف (( وهذا ما ينفع استبعاد الطلب على طول مثل مهب موضح من شروط الوزارة ))
بس من وجهة نظري تنوع مسميات الوظيفة تزيد من فرصك في الوظيفة (( مهب شرط وظائف الوزارة لأنه فيه اصحاب عمل يبحثون عن السير عن وظائف معينه فيمكن الوظيفة اللي انتي مقدمه عليها ما تظهر لأغلب اصحاب العمل لو تكتبين كذا مسمى وظيفة يكون أزين بس تكون في مجال خبراتك ومؤهلاتك )) اكتبي مسميات وظيفة تناسب تخصصك الجامعي بس إحذري إنك تقدمين على وظيفة ما تناسبك هنا في موقع الوزارة .
..................................
بالنسبة لرفع المستندات
انا أشوف صيغة pdf انسب صيغة ولا ننسى إنه في شروط الوزارة كأني قريت ترفع الوثائق بصيغة pdf والأفضل كل ورقة ترفقينها لوحدها
يعني الهوية في صورة مستقله وترفعينها
الوثيقة في صورة مستقله وترفعينها
وباقي الاوراق مثل كذا (( هذا من وجهة نظري ))
وهذا اللي عملته أنا ...
6ــ مثل ما قلت لك اذا مؤهل البكالوريوس ما يناسب مسمى الوظيفة اللي قدمتي عليه
ارجعي الحين وإحذفي سيرتك وقدمي من جديد في وظيفة بالثانوي حتى لو كانت الوظيفة بعيدة عن مدينتك (( بعدين اذا توفقتي وتوظفتي اطلبي نقل يمكن ينقلونك ))
مدري مين اللي يقول لو واحد قدم بمؤهل ما يناسب الوظيفة يستبعدونه ...
ما فيها شيء لو قدمتي على وظيفة بالثانوي وتنازلتي عن الجامعة وبكره اذا توظفتي تقدرين تطالبين بتحسين مستوى من خلال مؤهل البكالوريوس ..
ومعنى مؤهلي ما يتناسب مع شروط الوظيفة بس ضغطت أستمرار وش معنتها ؟
لا تشيلين هم كذا واحد ومنهم أنا طلع لنا مثل كذا وضغطنا استمرار ...
اهم شيء يقلك لقد تم ارسال طلبك بنجاح
الله يوفق الجميع
اعيد وأكرر لا تقدمين بمؤهل على وظيفة ماتناسب تخصصك
ولا تنسين تشيكين على ايميلك (( راح تصلك رساله من وزارة العمل بعد التقديم على طول )) مفادها اسم الوظيفة اللي انتي مقدمه عليه وسف يتم دراسة السيره و و و مثل هذا الحكي