المشاركة الأصلية كتبت بواسطة عاليه‘

هلا اخوي عابر والله موضوعك حلو وخلن اطلع اللي بتسبيدتي
اول شي انا بنت باقي ماتزوجت وقريب ان شاء الله الله يرزقن بمن يستحقني بالفعل

اول شي ماتعبنا ودرسنا وسهرنا مانبي نجني تعبنا صح
اقولك : قبل كم شهر اول ماجات المكرمه الملكيه للتعين المتخرجات وقتها تقدم لي شاب قلت لاهلي مابي ماحد يعرف السبب رفضي الا ان اهلي سلموا بالامر وقالوا البنت ماتبي ماتبي مانجبرها
وانا في نفسي انا لو جا تععييني في مدينه بعيده عن مكان عمل الرجال
اكيد بيرفض بقول بيتك اولى وانا اولى وليه تروحين انا خفت فقط وانا ما ادي في الحقيقه يمكن يخليني لكن خوفي غلب علي
ورفضت

انا يوم اكتب المدن المدينه الفلانيه والفلانيه قدام اللاب توب واسجل المدن وانقز لبوي بالمجلس اشتشيره
هاه اكتبها والا لا
وجوالي بجنبي اتصل على اخواني واخواني لا هذي بعيده من بيوديك اوك هذي زينه اكتبه
هذي خطوطها ما مدحوها هذي مدارسها بالجبال وبالكاد اكتب كم مدينه
لو بيدي كتبت الخمسه والاربعين بس الرجال
هذا اهلي كيف بولد الناس (زوج المستقبل)
فكرت لو ضغطت عليه ورحت طيب حملت وش بسوي وبعده عني وحاجتي له في الغربه
قلت افضل اني ارفض ولا اعذبه معي رغم اني توووني متخرجه مالي سوى سنتين تقريبا
في اخر المطاف الرجال راح في سبيله
والتعيين استحقه الاكثر من خمسة عشر سنه عاطلين
وانا باقي الى الان انتظر الفرج من الله بالتعيين

سؤالك
لو قالي بالقوه بجلس وامتثل لاوامره بس ولا راح اقبل فلوسه يكمل بيته وعياله ولا ابي منه شي

لو قالي بالطيب بحاول اقنعه واقنعه واقنعه


وبالنهايه بمتثل لاوامره لانه جنتي وناري ورضاه اولى ... عشان هيك انا ماوافقت على الرجال الله يوفقه ويسهل له اموره ويرزقه ببنت الحلال يارب

لكن انا افضل اللي يخليني اروح لشغل مو عشان الماديات بالعافيه عليه كل فلس يطلع من ورا عملي بس حكرت البيت تقتل خاصه لي تعود على ان تكون اجتماعيه

وبنفس الوقت ترا العمل عز للبنت
ارجوا من الشباب لا تحرم زوجتك خلها تروح برغبتها

ودعواتك لي الله يعوضني

وشكرا لكم

قد اعود للتعقيب
وشكرا
اختكم