اقتباس:
المشاركة الأصلية كتبت بواسطة الطيف العابر
وعليكم السلام
أنا إختبرت بسكاكا يوم الأربعاء مأمور علاقات عامة .. وأخوي كمان إختبر كاتب ضبط ..
أول شي تختبركتابة على الكمبيوتر وتكون الكتابة من اليسار إلى اليمين ولعلمك البرنامج ماهو الوورد هو برنامج خاص بالإختبار ..
يعني مثلا (( الرحيم الرحمن الله بسم )) كذا تكون ..
وهي قطعة من 10 أسطر تقريبا وتكون مكتوبة في المربع الأول وإنت تكتبها في المربع الفارغ اللي تحت القطعة وتكتبها نفسها من اليسار إلى اليمين .. وتراهم يقيموك على سرعة الكتابة يعني أقل شي تكون كاتب 15 كلمة بالدقيقة
لكن حاول تكتب اكثر .. وحاول إنه ما يكون فيه أخطاء إملائية أثناء الكتابة لأن البرنامج يقيمك على سرعة الكتابة وعلى عدد الأخطاء الإملائية وترى المشرفين ما بيقصروا معاك لله يجزاهم خير بيخلوك تعيدالإختبار أكثر من مره حتى تجيب درجة حلوه((هذا إذا ماكان فيه أشخاص بعدك .. وأنا برايي إنه إذا كان فيه أشخاص بعدك كلم أحد المشرفين خاصة المشرف (( أبو عزام )) واحد مطوع الله يوفقه .
بعدها تنزل الدور اللي تحت وتنتظر دورك طبعا السرة بالأرقام
المهم إذا دخلت على اللجنة وهم إثنين من القضاة واحد يدردش معك والثاني يقيمك
طبعا بتكون الأسئلة عن تخصصك اللي درسته في الجامعة (( فراجع معلوماتك ))
وأسئلة خاصة تتعلق بذاتك .. والأهم من ذلك بيخلوك تكتب جمل يملوك فيها يعني بيشوفوا كيف إنت بالإملاء بحكم إنك بتكون كاتب ظبط فسنع حالك ..
يعني مثلا أخوي خلوه يكتب ((مسؤول ، سئل ، يسأل )) زي كذا ..وأيضا بيعطوك ورقة تقراها
وأنا ماخلوني لا أكتب ولا أقرى .. فقط سألوني عن تخصصي (( مأمور علاقات عامة ))
الزبدة إنك لازم تبين لهم إنك واثق من نفسك .. واثق من نفسك .. واثق من نفسك ..ولا ترتبك إعتبر نفسك رايح تسولف مع خوياك ولعلمك ترى اللجنة ماهم شيبان.. أعمارهم تقريبا على آخر العشرينات وإذا طقت إلى 35
وفي شغلة أخيرة .. خلي أجوبتك باللهجة العامية وهذي نصيحة جتنا من واحد ثقة يعني لا تتفلسف باللغة الفصحى إلا إذا سألوك عن اللغة الفصحى.
والنتائج إن شاء الله يوم 3/1
أخير نسأل الله لنا ولك التوفيق والقبول وتأكد نصيبك حتما راح يصيبك .. فتوكل على الله
{ ومن يتوكل على الله فهو حسبه }
وأتمنى منك دعوة خاصة في ظهر الغيب ودعوة من اللي قرى الموضوع وإستفاد منه |
كيفك اخوي الطيف العابر انا اختبرت كان مجرد سواليف عطيتهم اجابات مختصره واحس نفسي اني سيطرت على المقابله شكل اللي عنده خبره هو اللي ياخذها والله اعلم الله يوفقنا وياك