اقتباس:
المشاركة الأصلية كتبت بواسطة على ربي فرجها
[align=center]
اخواني انا خريج العام الماضي معدلي 4.11طبعا اول ماتخرجت قدمت على شركة جنرال الكتريك ورسلوا لي رساله وكلموني مرتين هي شركة حلوة من ناحية الاسم والخبر بس اتوقع مو شركو للمستقبل اولا تدرس 6شهور انجليزي وبعدها تشتغل عندهم والراتب 5000 مو منهم كل الراتب مشترك مابينها وبين الموارد البشرية ؟؟؟؟؟؟؟
انتم في الدمام يسمونه انتاج اما عندنا في الاحساء يسمونه انظمة هايدروليكية ونيوماتيه
العام قدمت على شركة ارامكو مرتين قالو مانبي هذا التخصص
شركة سكيكو خذوا عدد قليل وحطوني احتياط
قدمت على كثير من الشركات الطويرقي وسعودي اوجيه وشكرة الدمام للغاز وسرسكو .....
بعضهم يقبل الطلب والبعض يقول البريد الالكتروني مليئ لانستقبل رسائل حاول مرة اخري يعني(اللي مقدمين من قبل مجرد استلام ملفات )
انا تحطمت نفسيا من الكلام اللي يقول مرغوب ومو مرغوب على الرغم من ان معدلي في الثانوية ممتاز
ومعدلي في الكلية ممتاز ان اللي مستغرب منه المواد اللي درسناها حلوه ودسمة ومرغوبه للشركات
مكونات وصيانه وتوضيب وبي ال سي ومخارط واذا جاك وقال لك مندوب الشركة او الموضف وقال لك مومرغوب
تحس يغبنك على العموم انا ما ابي احطمكم واللي يدرس في التخصص يكمل افضل له والله يوفقنا وياكم
وعندي شهادات كثيرة انا بردف لكم السيرة الذاتية اللي لي هنا واللي عنده علم او خبرة في شركه يعلمنا اقلها ناخذ خبره فيها .
تكغون دعواتكم تعبت والله ...........
[/align]
|
اهلا بولد ديرتي وانا تخصصي ميكانيكا انتاج ومعدلي 3.66 يمكن بعد الوثيقه الاهم من ذلك هذا انت قلتها تأخير الردود من قبل الشركات الكبيره وانا اعرف واحد معرفة شخصيا انه عنده شهادة دبلوم عالي من كلية الجبيل الصناعية وهذا اهو جالس ببيتهم ع البلايستيشن
والشركة جنرال الكتريك كويسه بس مثل ماتقول مانعرف عن مستقبلها بس هذا الحال نمشي وياه وواحد من ربعي عنده باكالريوس ادارة اعمال او محاسبه ونفس الراتب مع البدلات يوصل 6000 ريال
الوضع مو مثل قبل يا عزيزي لازم نرضى بالواقع
انا صحيح متردد من هالشركة بس انا مالي نيه اكمل دراستي
ربنا يفرجها بقوته
لو الشركات الكبيره تطرد المستوردين ( فلبين اندونسيين ) كان زين
وللحين احنا بخير الحمدلله على كل حال