ابي وظيفة تعبت

العضويات اتركها راح تكتمل السيرة 100% بدونها (( ومقدر اقلك وش قصة العضويات لأني تركتها ))

المعرفون اكتب معلومات ابوك ، اخوك ، صديقك ، السواق اذا كان عندكم

الهدف من المعروفون اذا تعذر الاتصال بك يتصلون عليهم يسألون عنك .


..........................

العاطل محمد

توه واحد من الاصدقاء يقول حاولت ارفق صورتي وما قدرت وكذا واحد هنا يشتكي من هاذي المشكله يقول
الصورة تجي كبيرة مدري ايه

حاول تنسخها بصيغتين اذا ما ضبطت الاولى إن شاء الله تضبط الثانية وتحملها

pdf أو JPEG اذا ما نفعت اتركها مهب ضرورية على كلام ناس شغالين بالوزارة الصورة لها 3% من 100%

ولا تخاف راح تقدر تقدم على الوظائف ويصير لون سيرتك أخضر

الوظيفة المرغوبة انا حطيت كذا مسمى ..

اول مسمى الوظيفة اللي قدمت عليها ( مسجل معلومات )

وحطيت بعدها 6 مسميات تقريبا وبين كل مسمى والثاني فاصله بدون مسافة لجل ما تاخذ عليك مساحة كبيرة

مثال :

مسجل معلومات،مساعد اداري،مشغل حاسب،مدخل بيانات،خدمة عملاء،اخصائي توظيف،و و و

(( شف مؤهلاتك وخبراتك اذا عندك وش يناسبك من مسميات الوظائف ))

أنا بحكم مؤهلاتي وخبراتي أكثر الوظائف اللي كتبتها تناسبني

بعد ما كتبت هاذي الاشياء بعدها بيوم تقريبا 22 واحد بحث في السيرة حقتي والحين محد بحث لأني حذفت سيرتي الاولى
وراح تبقى بعد إنتهاء الوزارة من التوظيف لأصحاب عمل آخرين يبحثون عن موظفين وإن شاء الله ما أكون منهم ...

من وجهة نظري كل ما عددت مسميات الوظائف المرغوبة كل ما كانت فرصك أكثر للوظيفة (( مثل ما سمعت ))

واذا بتقتصر على وظيفة وحده (( اللي إنت مقدم عليها )) فيه واحد موظف في وزاره العمل في تجمع آخر يقول عادي .

ــــــــــــــــــــ

نوع الوظيفة أكتب (( دوام كامل )) لأنه الجزئي اللي اعرفه للناس اللي تدرس الجامعة أو الثانوي أو الكليات عمل لمدة 5 ساعات تقريبا وبعضها تكون مسائي



حالة الوظيفة أكتب (( موظف )) واذا أنا كنت ملخبط بين نوع الوظيفة وحالة الوظيفة

فهي نفس الشغلة

نوع الوظيفة (( موظف ))

حالة الوظيفة (( دوام كامل ))

أهم شيء اكتب موظف و دوام كامل

ـــــــــــــــــــــ

الراتب لو تضغط بالمؤشر على الخانة المخصصة راح تطلع لك رساله باللون الأصفر تشرح لك

يعني حط الراتب اللي تبيه ولا تبالغ فيه انا عن نفسي (( ما اعتبرها خصوصيات حطيت 4000 ريال ))

ولو عندك خبرة او إنك قد إشتغلت في مكان راح يقلك كم آخر راتب تقاضيته ؟

حاول إنه يكون قريب من الراتب اللي إنت إخترته ...

فيه عضو معانا هنا (( وولد عبدالعزيز )) ياليت لو تراسله على الخاص موظف في الوزاره يمكن يكون له راي ثاني

بس كل اللي قلته لك انا عامله بنفسي

الله يوفق الجميع

.........................

بتوشة

طريقة الحذف بس لو ما فيه وظيفة تناسب مؤهل الجامعي وش تعملين ؟

https://www.btalah.com/t472133.html


......................

انتظر الفرج

قصدك JPEG تنفع لأني قريت صيغ التحميل ومنها هاذي الصيغة بس انا افضّل PDF بكيفك أنت

الحجم عشان تريح راسك كل ورقة انسخها لوحده وراح تضبط معاك إن شاء الله

يعني لو عندك 3 أوراق مثلا وثيقة + هوية وطنية + دورة

(( لو عندك مثلا 7 دورات او 3 دورات او دورتين ))

كل دورة في صورة مستقلة لا تحطها مع بعض ما راح يقبل معاك الحجم راح يكون كبير (( هذا اللي صار معاي ))

اعمل 3 نسخ PDF وارفقها ورى بعض الناس تعمل زحمه وتقول فيه برنامج يضغط ملفات PDF و و و

انا عن نفس مرفق 7 مستندات وكل مستند لوحده

.......................


جوهرة الماسة

حاول تنسخ كل ورقه لوحدها

انا مره في موقع آخر اتذكر إني ارفقت 3 اوراق مع بعض وثيقة ودورتين في صورة وحده PDF وما رضيت تمشي

ولما نسختها كل وحده لوحدها ضبطت ...

باقي على التقديم بكره روح لمحل كمبيوتر واعطيه الاوراق وخله ينسخ كل ورقه لوحدها واذا تقدر تعمل انت اعملها

...............................