المشاركة الأصلية كتبت بواسطة آبو بتآل

حياك الله اخوي عبيدان

شخبارك عساك طيب ؟

بالنسبه وانا اخوك للحرس الملكي كل شخص سمع عنه و عرف عنه قال ( ربي راضي عن اللي دخل فيه ) قطاع مميز بكل ما تحمله الكلمه من معنى

من ناحية راتب - من ناحية راحه - من ناحية سمعه

تخصصك مرغوب بشكل ملحوظ شوي و تعتبر بتخصصك " فني " يعني مالك شغل بالميدان تكون على مكتب ولبسك لبس عسكري

و لا تنسى ان دورة الفنيين تختلف عن الميدانيين ولكن كلهم نفس المراحل يمرون فيها اللي هي الفرد الاساسي اللي هي 3 شهور ولكن بعد الثلاث شهور يكون فيه دوره اسمها امن و حمايه بعض الاحيان يدخلونها الشباب و فترتها 3 شهور وما ادري هل الفنيين تصير عليهم اجباريه او لا حسب نظام عملهم

رواتب الحرس الملكي جداً ممتازه ولله الحمد وما فيها ذاك الكرف مثل باقي القطاعات

انا انصحك تقدم فيها و ازيدك معلومه على السريع ان الفنيين ماهو مشكله طولهم او وزنهم او النظر عندهم

شفت انا واحد فنيين على كمبيوتر يشتغل بالحرس الملكي وزنه كبير شوي و فيه واحد غيره قصيير مره وفيه غيرهم لابس نظاره يعني الفنيين يمشي له ما يمشي لغيره

و انت قدم وقبل كل شي لا تنسى ان التوفيق و الرزق بين يدين الله سبحانه و تعالى اذا الله كاتب لك رزق فيها صدقني راح تدخل في الحرس الملكي غصب عن كل فرد و ضباط و شعب و حكومه و اذا الله ما كتبها لك صدقني لو ترسل برقييه للملك عبدالله الله يحفظه و يرد عليك ببرقيه انه موافق انك تدخل بالحرس الملكي ما راح تدخله ابد

و اتمنى لك التوفيق وانا اخوك <3