السلام عليكم
اخواني انا حافز كلموني ورحت عشان يوظفوني وبصراحه جابو لي وظيفه حلوه براتب اربعه الاف
ولكن صار ظرف منعني اروح وطلبت الشركه يأجلون المقابله قالو بكره قلت بكره مقدر وللاسف حاولت بس ماقدرت اروح وبعدها ماكلموني وانا ادق مايردون
عموما اللي بحافز شافت خبراتي ومهاراتي وقالت لي انتي جيبي لي مسميات وظايف تبينها وانا اوفرها لك
فسؤالي لكم هو:
وش الوظايف اللي تنفع ي مع العلم اني لي خبره واسعه بالكمبيوترات والاجهزه الكترونيه والجوالات من برمجه وغيرها
ولي بالفوتوشوب اعرف اصمم بنرات ودعايات وكروت شخصيه
و تعاملي مع الناس جدا لبق هذا كلام الناس ترى مو كلامي لان مقدر احكم على نفسي
واحب الاطفال
وشهادتي ثانويه وعنديمجرد دورات عاديه حاسب وانجليزي وطبعا انا قدراتي فوق اللي درسته اللي درسته مافادني والله استفدت من الممارسه حتى الانجليزي اللي اعرفه من الممارسه
وبسسسس فوش تشوفون وظيفه تنفع لي؟! انتم بس عطوني مسميات
انا اعرف مثلا مدخلة بيانات
ومنسقة مواعيد
بس هذا اللي اعرف !! طبعا مابي شي اختلاط ممكن اختلاط جزئي يعني بشركه بس لحريم بغرفه وسكشن لحال