[QUOTE=راحت احلامي;6978544]
اقتباس:
المشاركة الأصلية كتبت بواسطة حب حس
ا
اأأنا فدأ خشششـمك يـ ششـيخ وبيــض اللهـ وجهـك وركبتـك ههههـ أمـزح
يا قــلبي المشششـكلةة أعرفـ كل التخصصصأت اللي قلتها واعرف وش نظظأمهـم ولآ ابي ايا وحدـه منهاأ علــمأ بأن طوـلي 180 ووزـني 103 وشهاأدتي 84 عـلمي بسس يأخوــك جهأز المبــأحث مرعـب وهيـبةة تحسسـك انكـ من جـد ادـولف هتـلر ولآ هنيـبأل ولآ خيوــهم الامريكي وودي هاريلسون ....المهــم ياطوــيل العـــمر تكفـى ابـي اعرــف انأ ماعـندي شهادةة دبـلوم كيـف ادخـل السسجون عـلمأ بان السسجـون لآهل الشهادأت مو الحـاف يعني دبوـلم وفـوق يعـني يمديني ادششهأ حأف ولآ لا .. وبـغيت اعـرف وش افضضل رأتب هي ولا الحرسس المـلكي.. وبعـدين اذأ حبـيت ادشش مدـني بالمبأحث العامه برغبتتي اأو لآ ...؟ وهـل يمديني اـطول ششعـري ..؟ اتمنى وتكفى اجمع لي اجوبـة اسـئلتي ي ـقلبي  |
أمحق رعب وأمحق هيبة , ضابط من جماعتنا في المباحث حبيب وواصل رحم
يوم تعين في المباحث الكل أنفض من حولة حتى أنه ماعاد يجي العزايم, وإن جاء طقطقو علية العوادة قالوله: أنت جاي لحالك ولا بالجمس الأسود اللي بدون درايش
مع أن الكل يشحذ منه وظايف لورعانة والرجال سنافي مايقصر مع القاصي والداني وعلى كل هذا يطقطقون علية
اللي أعرفهم بالمباحث تحديدا السجون متعينين عام 1427 برتبة جندي ومامعهم إلا الثانوية.
المهم فيه رجال هنا في المنتدى في مباحث السجون حاط رقم جوالة يبي نقل .. المهم هذا موضوعة وفية رقم جوالة تقدر تستفسر منه بحكم أنه ماتخرج غير أمس
https://www.btalah.com/showthread.php?t=408403
كنك تقول وش الأنشط ياسر القحطاني أو ميسي, أنت وش رأيك وش الأفضل الـ9000 الأف أو الـ7500 الأف ؟
مهوب كل الوقت وأنت مدني فيه أوقات تحتم عليك أنك تلبس طقمهم الكحلي غامق << طقم أبو كلب تقول أنك حارس أمن في كارفور
أنا بعطيك طبيعة عمل عيال جماعتي ..
أولاً: عيال جماعتي في المباحث في عليشة وفي المهمات الخاصة التابعة للمباحث مدموجين مع القوات الخاصة في مبنى واحد في صلبوخ
ثانياً: دوامهم على الشكل التالي: يستلمون 7 ساعات بـ 24 ساعة أحيان يستلمون صباح وأحيان لليل
الزين فيها أنه مسموح للأفراد بتغطية أماكن أخوياهم, مثلاً أنا وأنت في المباحث وأنا أبي أسافر تقدر تستلم محلي دون أن ينقص راتبي أو يسجل علي غياب, والمدة اللي أستلمتها محلي أردها لك إذا أنت أحتجتها.
ثالثاً: طبيعة عملهم:
1- غرفة العمليات الموجودين على الكمبيوتر وعلى خط البلاغات الأمنية 990 : هذولاء مدنيين ومقدر أفيدك بشيء لني ما أعرف فيها أحد وثاني شيء محد يعرفهم ويتحركون بأسامي وهمية ومهوب موجودين في عليشة ولا صلبوخ ومحد يعرف محلهم لكن أحتمال كبير أنهم في وزارة الداخلية
2- البحث : يربطون بين غرفة العمليات وبين المهمات الخاصة, بعد مايجيهم بلاع من غرفة العمليات يبدون بالتحري بلباس مدني يرصدون الهدف ويطلعون عنه برنت كامل ويرسلونة للمهمات الخاصة << موجودين في عليشة طبعاً دوامهم بلبس عسكري مايبدلونة للبس المدني إلا إذا جتهم مهمة البحث والتحري
3- المهمات الخاصة : بعد ماتكتمل المعلومات والتقييم والتقدير للهدف من قبل البحث يرسلونها للمهمات الخاصة, على حسب الهدف إذا كان تقييم الهدف (خطر) والتقدير (أطلاق نار وإصابات) والمداهمة بتأخذ زخم إعلامي, يطلبون مساندة من قوات الطوارئ وقوات الواجبات والشرطة وقوات الأمن الخاصة والدفاع المدني والإسعاف والمرور والدوريات وقوات مكافحة الإرهاب التابعة للحرس الوطني << تجميعهم للظهور الإعلامي ولا بعضهم مالهم نفعة
<<< هذي الحالات أحيان تنسحب المباحث وتأخذ مكانهم الطوارئ والحرس الوطني(مكافحة الإرهاب)
إما إذا كان التقييم والتقدير للهدف فوق الجيد, يداهمونة بسيارات مدنية (شاص + كبسولة + فكس آر + .....ألخ)
وأيضاً إذا كان الهدف موقع أسلحة أو متفجرات, يداهمونة بلبس مدني وعلى سياراتهم الحقيقية
أتمنى أني أفدتك , توني ماسك خط تحقيق مع عيال عمي
تمنياتي لكم ولي بالتوفيق والنجاح .. نسأل الله أن يطعمنا حلالة عن حرامة