الجوال سهالات تقدر تشتري م الميز
العمال يبيعونه
في طريقه اللي هي
تاخذ بودرة جسم تكون علبتها شوي كبيره تفتحها من فوق من الغطا
و تحط الجوال داخل كيس و تحطه داخل العلبه و ترجع الغطا زي ما كان
اذا دخلت عاد افتح العلبه و بتحوس في البودره شوي
لكن عالاقل دخلت جوالك
(لا تدخل غير الكشاف و خليه اغلب الوقت طافي وقت اتصالك افتحه
و تاكد ان البطاريه اصليه و خذ معك بطاريه ثانيه و فللها)

في حلاوة تلقاها في بنده و العثيم
اللي هي هولز بالكرز هذي خذها وقت الهروله ما تخليك تعطش ابد
و مجربها من شهر 6 للحين مستمر عليها

حاول ما تتجمع مع شباب في اماكن مشبوهه يعني يدخنوا و كذا
لان ممكن يطب عليكم مدرب و يثبت الموجودين و تاكلها حتى لو منت مدخن

خلك هادي بتلقى اللي يبي يتهاوشو اللي مسوي قوي
خلك رايق ولا عليك من احد

رح لخياط قوله يخيط لك مخبأ داخلي في بنطلون الرياضه يكون بسحاب
عشان تحط فيه اثباتك و فلوسك و كذا << عشان لا يطيح عليك او ينسرق منك شي

بوت الرياضه < و انتم بكرامة لا تاخذ الا اصلي ديداس و بوما و ترا عادي لو يكون فيه الوان بس الاغلب يكون ابيض
شراريب لا تاخذ الا اصلي من بيت الفالح او المحلات الثانيه
لا تغلط و تاخذ شراريب خفيفه حقت الجزمات الرسميه تراها ما تصلح بريال

اشتري فواحه بالفراوله او كرز تجي في محلات زينة السيارات
شكل العلبة زي علبة التونه
هذي تاخذ منها شوي و تفتتها و تحطها داخل بوت الرياضه عشان ريحة الشراب و انتم بكرامه

انسب وقت للترويش وقت الظهر
لان ما بيكون عندكم شي و غير كذا بتلقى اغلب الشعب نووم عاد انت تصيد الوقت اللي تشوفه مناسب

لا تكثر من الاغراض و الملابس الداخليه خذ بالحد المعقول
يعني 5 اطقم فلاين و سراويل داخليه تكفي
لان اصلا فيه مغسلة ملابس بتجي و تاخد ملابسكم و ترجعها اليوم اللي بعده

::
::
عاد كلها اجتهادات من عندي لاني حاليا في دورة عسكريه
و الله يوفقنا وياك و عقبال التخرج
و دعواتك

لا تنسوا التقييم<<