السلام عليكم ورحمة الله وبركاته انتهيت من مقابلة كلية المجتمع في حريملاء الأربعاء - محاسبة . ويااا بعدك يا حريملاء حركنا من جدة الثلاثاء ورجعنا الأربعاء خط ع قول الشباب ( صد رد) توني صحيت من نووومة أهل الكهف في البداية سوينا مطابقة وقعونا على تعهد إكمال الماجستير وعدم النقل 5 سنوات بعد التعين . بعدين دخلت ع اللجنة كانوا 5 حريمااات من أعضاء هيئة التدريس تخصصات مختلفة منهم محاسبة موارد بشرية أنجلش ووكيلة الكلية وفي وحدة ناسية أش تخصصها . عرفوني عليهم ... بعدين قالو تكلمي عن نفسك ؟ ليش أخترتي تخصصك ؟ أيش المواد الي تحسينها مهمة في تخصصك ؟ أيش تعرفي عن إدارة الموارد البشرية ؟ أيش أخر كتاب قراءتيه ؟ عندي دوارات سألوني عنها ؟ أنا ليه متخرجة 6 شهور _ قالو أش سويتي خلال هذي الفترة ؟ وليش مقدمتي على الماجستير ؟ وبعدين سألتني بالأنجلش اسأله في البداية جاوبت وبعدين تنحت ولو فيك خير حركيني وسألوني عن شخصيات ؟ زيي أش تعرفي عن رشاد فقيها _ خالد العنقري _ وغيرها ناسية والله . بس ألي مراح أنساه أني انحشرت في هذا السؤال كثير وبعدين شرحت البور بوينت وأثناء الشرح كانوا يستفزوني باحركااات مثلا تنقزلي أكثر من وحدة بسؤال لدرجة أنهم ضيعوا التركيز وكل وحدة تبغي جواب في وقت واحد وكمان مايطالعو فيه لمن أتكلم وغيرررو من هاذي الحركات إلي تفقع اللي بس حاولت قدر المستطاع أني أكون هادئة وشرحت شريحتين ووقفوني سويت إلي أقدر علية وفوضت أمري إلى الله . وأخيرا تذكروا رزقكم المكتوب لكم ماحد يقدر ينزعه منكم فأحسنوا الظن با الله وأنه تعالى عند ظن عبده . حبيت أنقلكم تجربتي في أول مقابلة ليه والله يوفق الجميع إلى مايحبة ويرضاه . وسامحوني ع الإطالة .