اقتباس:
المشاركة الأصلية كتبت بواسطة قصة بطالة
السلام عليكم ورحمه الله وبركاته
كيف الحال يااخواني
زي منتم عارفين انا رجال عاطل عن العمل من فتره طويله وبحثت عن وظايف كثيره ولا حصلت
وبصراحه انا معي مبلغ بسيط وحاليا ساكن بالاحساء عند اخوي ...
وبصراحه ودي اشتغل في التمر فياليت اللي عنده معلومات تفيدنا عن ::
1 / انواع التمور المطلوبة للزبون .؟؟؟؟؟؟؟
2 / الاماكن اللي ابيع فيها التمر .؟؟؟
3 / اذا كان سعر كرتون التمر 60 ريال كم السعر المناسب للبيع ..؟؟
آشياء ثانية عن التمر تفيدونا فيها يا آهل الخير .....
آتمني ألقي تجاوب من الجميع ومساعدة لي وشكرا لكم
|
وعليكم السلام ورحمة الله وبركاته . .
الله يعينك ويوفقك ويرزقك وجميع المسلمين . .
أنا شخصياً وبكل أمانة أشتغلت مع الوالد بمحل للتمور والمحامص بالرياض . . فترة طويلة لكن تركنا المحل لأسباب خارج السيطرة . .
التمور أنواعها واجد بس دامك بالاحساء أخذ خلاص الاحساء من النوعية النظيفة وحبتها كبيرة . .
الافضل تشتري من المزارع نوعية ممتازة أو متوسطة ونظيفة . . طبعاً نثر واخذ ( 10 كراتين ) أو على حسب رأس مالك . .
وودها للمصانع تعبئة التمور طبعاً الباغه ( 1 ك ) وبالكرتون ( 8 حبات ) . .
وسوقها بالمحلات التمور وتمشي بسرعة إذا نوعيتك جيدة . .
أو سوقها على الانترنت والاعلانات أو بسطة عند الجوامع والمساجد الكبيرة . .إلخ
واحسب تكاليف والمصنع والمشاوير . . أتوقع مكسب الكرتون 5 ريال 10 . .
وأنت شوف سوق التمور عندكم وشاور . .
وكل ما جبت نوعية التمر ممتازة وفاخرة راح يكون لك عملاء ومكسبك يزيد . .
والله يوفقك ويرزقك . .