اولا الله يوفقك

اذا متأكده إن شاء الله وظيفتك كمعلمة جايه حتى لو تأخرت شوي لا تفرطين فيها (( في نظري معلمة أفضل من معيده بالنسبه للنساء )) لكن الرجال الوضع يختلف ...

فيه بعض الجامعات مثل الملك عبدالعزيز تقدرين تكملين ماستر تعليم عن بعد (( هذا للرجال ومدري عن النساء ))

كمان فيه الجامعة الالكترونية بس مدري عن قوتها وهل هي معتمدة او لا انا راسلتهم وردوا عليه وقالوا ايه معتمدة

الماستر فيها بي 9000 ريال في الترم ..

يعني إن شاء الله تقدرين تكملين ماستر اذا توظفتي معلمة (( بس هل فيه انتظام في الماستر مدري ))

راسليي جامعة الملك عبدالعزيز وشوفي او الجامعة الإلكترونية او غيرها من الجامعات

(( تأكدي من كلامي هذا ماني متأكد 100% هذا اللي سمعته ))

بس هل الشهادة معتمدة كتدريس (( مدري )) مره سمعت واحد موظف بالديوان يقول أصحاب الانتساب مالهم حق في التدريس
وظائف إدارية فقط (( فهل التعليم عن بعد مثلها ؟! ))

إسألي اذا قالوا شهادة التعليم عن بعد مثل الانتظام وتقدرين تترقين فيها وتتوظفين فيها يعني لو كنتي معلمة وخذيتي الماستر
تقدرين تدريس في الجامعة مثلا (( أو أقل شيء تصيرين مديرة مدرسة أو وكيلة )) ــــــ لا تترددين (( أزين من الغربة في الخارج والله إننا نسمع عن بنات سعوديات في الخارج يتأذون ))

(( هذا اللي عرفته عن المعيدة إنها تدرس خارج البلد لكن المعلمة تقدر تكمل ماستر في الداخل ))

........................

ودام إن راتب المعلمة اعلى كويس ورى تبين معيدة (( ممكن يفرق معاك الراتب اذا خذيتي الماستر مدري ))

كمان من بعض الاعلانات اللي اشوفها (( شارطين شرط للمعيدة إنها تكمل ماستر مدري دراسات عليا ))

طيب لو إبتعثوك للخارج إجباري هل راح توافقين ؟!

هل فيه أحد بيروح معاك (( اذا منتى ضامنه وظيفة معلمة مالك إلا معيده ))

زوجة واحد اعرفه كانت معيدة والحين نقلت من الغربية للرياض تكمل دكتوراه وكان تخصصها رياضيات ( إحصاء )

بس متى اخذت الماستر مدري بس سمعت إنها الحين بالرياض تكمل دكتوراه (( لا يكون اللي نقل الخبر لي غلطان وقصدة ماستر ؟! ))

طيب هاذي البنت كيف قدرت تروح للرياض وتكمل ماستر او دكتوراه وهي معيدة !؟

هل ممكن إنها غيرت تخصصها من رياضيات إلى عقيدة أو دراسات إسلامية مثلا (( البنت ترى متدينه ))

في النهاية أتمنى لك التوفيق

لا تنسين تردين علينا وتطمنينا وش عملتي

قصة

فيه واحد أخو صديقي تخرج تخصص إدارة مستشفيات وعرضوا عليه معيد ورفض والحين مالقي وظيفة (( متخرج قبل سنة تقريبا )) قدم على المستشفيات وللحين ما لقي شيء

قلت في نفسي لو اخذ معيد كان ازين (( الظاهر إنه قال إن المعيد يجبرونه على إكمال الدراسة بعد ترم واحد من التدريس )) ..