يا كيف أبا أسلى وحزن النفس يغشاني
ودموع عيني على خدي مجاريها
إيام عدت و عشنا عالم (ن) ثاني
حلت علينا الفجايع في لياليها
ساعة سمعت الخبر و العلم وافاني
والروح قالوا توفت صوب باريها
كنه نهش وسط قلبي ناب ثعبان
والعين عميت ولا به من يقديها
أعظم فقيده فقدنا عالي الشان
الغالي اللي دروب العز ماشيها
الوالد اللي غمرنا خير وإحساني
عطف (ن) ورقه وطيبة قلب حاويها
ياعين هلي وخلي الدمع يعياني
وزيدي دموعي على خدي وصبيها
و الله ما قد جفا حالي وخلاني
أبكي مثل ما بكيت اليوم وأشكيها
يابه تمنيت راسي وسط الأكفاني
وتعيش عمري على الدنيا وتحييها