جوديفا

فعلا قبل فتره ألغوا pdf وبعد كذا يوم رجعت الصيغ مثل المره الأولى وأنا بنفسي لما جيت اقدم لصديقي

طلعت لي 3 صيغ فقط pdf مهب من ضمنها وبعد يومين تقريبا جيت اشيك على مستنداتي ولقيت pdf

والظاهر إني قلت لك pdf لغوها في رد عليك اذا ماني غلطان ..

ضيغة وورد موجودة من ضمن الصيغ ما تضر واذا قلقان ارفق الاوراق مره ثانية pdf عادي .

................................


عاشقة المستحيل

كلامك في محله بس فيه ناس مثلي (( ما يعرفون شيء بالنت والتقديمات )) وستفادوا من مشاركات الاعضاء في هذا التجمع او غيره

وبالعكس انا اشوف الاختبار والمقابلة أخف شوي لأن اللي يقدم في البداية يسأل عن كل التفاصيل في بداية التسجيل .

.........................


أخو الجازي

كلامك فاجأني مدري شقول كلامك منطقي لكن اذا كان الشخص عاطل مثلا

طيب تقول استاذك او موظف يوصي بتوظيفك في نظري هذا بعيد كل البعد

شف شركة بن لادن مثلا لما صديقي قدم على موقعهم كاتبين شخص يرجع له في حال تعذر الاتصال بك

الاسم :
مكان العمل :
الرقم :
مسمى الوظيفة :
صلة القرابة :

(( بس مهب مكتوب المعرفون ))

فأنا وغيري وبدون تفكير عرفنا إن مقصد الوزارة من (( المعرفون )) يرجع له

كلامي وكلامك مافيه تناقض سواء واحد متسبب أو واحد موظف ما يخالف

وصدقني هذولا المعرفون روتين ما ينظر لهم حتى لو تعذر الاتصال بصاحب الطلب (( اذا كان عندهم امانة يبحثون بالمعرف ))

لو تكتب في المعرفون (( الملك عبدالله )) ما يعبرون ..

انا مره خذيت خطاب توصية من (( ممدوح بن عبدالعزيز آل سعود )) وكان وقتها على راس العمل وأعطيت الخطاب
لموظف في الفندق لجل اشتغل عندهم (( كان تفكيري محدود أحد ياخذ خطاب توصية توظيف لفندق ؟! ))

وما عبروا الأمير ولا الخطاب تلاقونهم رموه في اقرب زباله الله يكرمكم ..


تم بحثها او عرضها على كلام بعض الاعضاء فيه 41 واحد ناظر لسيرتك (( هذا بالنسبة للبحث ))

لكن العرض مدري عنه (( انا مقدم على موقع شبيه بهذا البحث 22 العرض 1 ))

يمكن يكون البحث (( اللي سيرتك خرجت من خلاله لكن ما تم الدخول على تفاصيل سيرتك الذاتية ))
يعني صاحب عمل كتب (( مشغل وبدأ يبحث جاله 80 شخص كاتبين في مسمى الوظيفة المرغوبة مشغل وأنت من ضمنهم ))

بس ما دخل على تفاصيل سيرتك ولا ناظر اي شيء عنك وختار واحد غيرك ...

بعد كذا هذا اللي اختاره (( يجي قدام سيرته البحث كذا والعرض 1 ))

الله اعلم هذا استنتاج ويمكن اكون غلطان ..

ولا تشكرني ولا شيء عليه ايه الشكر ؟

...................................

أزهار

لما تدخلي على حسابك حتلاقين تحت مكتوب هل نسيت تفاصيل دخولك او جمله قريبة منها اضغطي عليها

وراح ينقلك لصفحة يقلك تكتبين فيها ايميلك اللي سجلتي فيه بالموقع ويجيلك على الايميل مباشرة ...

اذا منتي عارفة ايميلك (( والله مشكله حاولي تتواصلين مع الوزاره يلغون حسابك مثلا او تطلعين منهم بحل ))

...............

أحمد الغفيلي

ترى فيه فيه نسخ الاوراق سكنر على القرص وما ضبط معاه (( انسخها على فلاش ميموري )) (( يو إس بي ))

كذا افضل .. صيغة pdf كل ورقة لوحدها لا تنسخها مع بعض ..

عندك 4 اوراق خلي صاحب المحل يعمل لك 4 صور pdf .

تقول :

وش الدبره انا حملت برنامج adobe flash player و برنامج Foxit Reader

اذا جهازك ما رضي يشغل لك هاذي البرامج عادي يمديك تحمل الاوراق من دون تحميل هاذي البرامج (( اذا ماني غلطان ))

طيب اقلك شيء سهل سجل وخلي تحميل المرفقات آخر شيء (( رح لمحل كمبيوتر وضبط اوراقك على pdf وانسخها على فلاش فلاش فلاش لا تقول قرص ))

ورح لأقرب مقهى نت وارفق الاوراق تلاقي كل مقهى فيه (( adobe flash player و Foxit Reader ))

شغاله من أفضل ما يكون لجل تشيك على صورك بعد تحميلها ...

الله يوفقك


............................


نغغغغم

الصورة مهب مهمة اتركيها نقصة كم ؟ 97 % مثلا عادي لا تشيلي هم اهم شيء الخط اللي تحت السيرة يكون لونه اخضر

حتى لو نسبتك 80% تقدرين تقدمين على الوظائف اذا صار لون الخط اخضر .

...........................................


تراني عاطله

انا مثلك محد بحث سيرتي بعد حذف سيرتي الاولى وبعض الاعضاء مثلنا ..

الله يوفقك

...................................

انا وين ونت وين

غريبة يحذفونها طيب لما ارفقت الوثائق دخلت بعد كذا مباشرة وشيكت عليها ولقيتها موجودة ونفتحت لك الصور

لا يكون ما تحملت مضبوط معاك ؟

او يمكن اللي بحثوا في سيرتك حذفونها بطريق الخطأ

ارجع الحين وحملها من جديد ..

وبعد التحميل اخرج من حسابك ودخل مره ثانية وتأكد وعرض صورك كلها ..

عن نفسي توني مشيك على اوراقي وكلها موجودة والنسبة 100%

...................................


لودي الحكمي

انا قدمت قبل كذا على 4 او 5 وظائف وتم بحثها الظاهر 22 مرضه وعرضها مدري كم

وبعد الحذف (( أصفار )) وماني قلقان عارف إن رزقي باخذه وين ما كان حتى لو اني مقدم على 50 وظيفة وما حذفت سيرتي الذاتية

ولي رزق ماراح يستبعدوني

مره عضو (( ابحثي عنه في الصفحات الاولى )) قدم على كذا وظيفة يقول صديقي موظف في الوزارة ويقول سيرتك الحين قدامي وتم استبعادك
لجل إنك مقدم على اكثر من وظيفة ... قال هذا العضو سالت صديقي وش الحل ؟ بعدها قال هذا العضو بكره ارد منكم

ارسلت له على الخاص بعدها بيوم او في نفس اليوم وقلت علمني بالطريقة وما رد مني للحين سالته قبل 3 اسابيع تقريبا

دقيقة ببحث عنه في الرسائل وعطيكم اسمه

للأسف تم حذف رسالته بجرب قوقل الحين وشوف

كتبت في قوقل

(حلول البطالة وظائف وزارة العمل صديقي شغال بالوزارة يقول سيرتك الحين قدامي )

الحين بشوف الرد واسم العضو ( سياسي طموح )

18-11-2012, 01:10 AM
السلام عليكم

اولاً اتمنى للجميع التوفيق

ثانياً : لأحد يقدم على اكثر من وظيفة لاتسوون مثلي انا قدمت على اكثر من وظيفة كلمني اليوم واحد من اخوياي شغال بوزارة العمل قال اسمك قدامي مستبعد والسبب مقدم على اكثر من وظيفة وغيرك كثير مسوينها ومستبعدين قلت طيب وش الحل قالي اصبر بكره ارد لك اشوف لك طريقة

حبيت اعلمكم والله اني صادق

الله يوفق الجميع

على هذا الرابط

https://www.btalah.com/archive/index....71602-p-2.html

ليته رد عليه عشان نشوف الطريقة (( لكن العضو وولد عبدالعزيز موظف في الوزاره معنا هنا قال نفس كلام بعض الاعضاء حذف السيرة الذاتية ))


الله يوفقك ويوفقه ويوفق الجميع

............................


رجل غيور

طريفة نسخ ولصق السيرة الذاتية

شف تحت آخر شيء مكتوب (( ارفاق الملف الاصلي للسيرة الذاتية )) او جملة قريبة منها

يمكن مهب عندك لأنك بعد ما حملت cv حقك لكن انا موجودة عندي

بعد ما ضغطت عليها (( انا بحذف سيرتي لجل اشرح لك بالتفاصيل وبعيد تحميلها مره ثانية ))


الحين بعد ما حذفت سيرتي

ادخل انت على سيرتك ،،،،،،، في أعلى الصورة الشخصية تلاقي مكتوب

(( ارفق السيرة الذاتية من ملف )) باللون الاخضر

اضغط عليه

راح يجي لك هذا الحكي في مربع


كيف تريد إرفاق ملف سيرتك الذاتية؟

تحميل ملف سيرتي الذاتية نسخ و لصق السيرة الذاتية
إرفاق الملف :

حدد مكان الملف
أنواع الملفات المتاحة: doc, docx, pdf, txt.
الحجم الأقصى للملف: 1.0 ميغابايت.

معطيك خيارين تحميل

تحميل ملف سيرتك

نسخ ولصق السيرة الذاتية (( في دائرة ضلل عليها ))

بمجرد التضليل عليها راح ينفتح لك مربع كبير تلصق فيه سيرتك الذاتية

ولتكن مثل كذا


وبعد كذا اضغط على موافق

واذا تبي تحميل السيرة (( الطريقة مثل طريقة تحميل باقي الوثائق ))

بمجرد إن السيرة تتحمل راح تلاحظ إن جملة

(( ارفق السيرة الذاتية من ملف )) اللي بجنب جملة (( كيف يرى اصحاب العملسيرتك الذاتية ))

فوق الصورة الشخصية اختفت


بعد كذا انزل تحت آخر شيء وشيك على سيرتك

تلاقي مكتوب (( إرفاق الملف الأصلي للسيرة الذاتية ))

اضغط على تنزيل الملف وراح تلاقي سيرتك قدامك

قبل خروجك اعمل تحديث للسيره تلاقي التحديث على يسار صورتك الشخصية تحت النسبة المؤية لسيرتك

الوثائق

مؤهلك ــ هوية وطنية ــ دورات ــ شهادات شكر ــ خبرات ــ برنت تأمينات ـــ سجل أكاديمي ـــ اي شيء يخصك

ترى مهب فقط الوزارة اللي بتطلع على سيرتك فيه غيرهم حتى لو واحد قلك يكفي المؤهل (( صادق )) لكن ما يخالف لو ترفق اللي قلته لك من باب زيادة حظوظك في فرص العمل

انت لما تكون صاحب عمل وتدخل على وثائق طالب الوظيفة وما تلاقي إلا مؤهله فقط وتدخل على سيرة واحد آخر وتلاقي جميع مستنداته كاملة مين تختار بينهم ؟ أكيد الثاني ..

.....................


ام قلبي

الله يرزقك بالوظيفة اللي تريح بالك ما قصرتي

تحميل الوثائق (( أكتبي في قوقل مثلا طريقة تجميل الوثائق وظائف وزارة العمل 1434 حلول البطاله ))

أكيد راح تلاقي واحد شارح الطريقة بالصور

او الله يعينك ابحثي في الصفحات اللي عدت فيه كذا عضو شارح الطريقة بالصور

الله يوفقك وشكرا على مجهودك في تنزيل الوظائف وعلى التنبيه

.................................


عاطله منذ 2004

فوق تلاقين الرد (( يمكن اكون غلطان ويمكن لا ))

بعض الاعضاء يقول يعني فيه 32 واحد ناظر لسيرتك وابشري بالخير إن شاء الله الله يكتب الوظيفة من نصيبك

وانا تون العبقرية جتني وطلعت بنظرية وتحليل (( ما له اساس مجرد استنتاج ما يعول عليه تلاقينه تحت اسم اخو اجازي ))






................................