اول شي السلام عليكم ورحمة الله وبركاتة

انا اضم صوتي لصوتكم وبقولكم قصتي اللي صارت بجامعة شقراء!!

تقدمت على وظيفة مساعد مبرمج المطلوب دبلوم برمجة وخبرة سنتين. وتقدمت بدبلوم برمجة وخبرة اربع سنوات تم قبولي لدخول الاختبار وكان عدد المتقدمين مايقارب 100 متقدم والشواغر الوظيفية ماندري كم!! المهم كان اللي يوزع اسئلة الاختبار يقول راح ناخذ اللي يحصلون على اعلى درجات فوق الستين!! وبتوصلهم رسالة على الجوال خلال اسبوع الحمدلله نجحت بالاختبار ولا كنت ادري اني نجحت ودخلت المقابلة الابعد اتصال واحد من الشباب قال ان النتائج طلعت!(يعني ماارسلوا ) دخلت المقابلة وكانت الاسئلة
تكلم عن مجلس الشورى!!
هل الشورى بدعه!!!!!!الخ...
المهم طلعت من عندهم بعدها بأسبوع اتصلوا فيني قالوا تعال و معك صورتين شمسية!!
جيتهم وعطيتهم الصور وعبيت الاوراق المطلوبة كلها . خلصت كل شي كان باقي لي المباشرة بس !وقتها سألت الموظف كم الوظائف المطلوبة قال وظيفة وحده بناخذ المرشح الاول والثاني اما الثالث بيكون احتياط !!!!!!!!! والمرشحين ثلاثة انا واثنين كانوا جالسين موظفين حكوميين!!!!
المهم طلعت من عندهم وقلت ان شاءالله تكون من نصيبي وانا احق فيها بحكم اني عاطل ومستوفي جميع الشروط اللي طلبوها!!!انتظرت اسبوع اسبوعين شهر شهر ونص!!!!ولا اتصال ولا شي!! بالصدفة قابلت واحد من الشباب كان متقدم على وظيفة مشغل حاسب وكانت الاختبارات حنا قبلهم بيوم!!! سألني وش صار عليك قلت الى الحين انتظر!قال وش تنتظر قلت اتصالهم قال انا من اسبوع مباشر الدوام عندهم وانت تنتظر!!!!!!!!!!!!!!!!!!!!!
المهم رحت للجامعة قابلت اللي عطيته الاوراق قلت بشوف اسمي يمكن احتياط على الاقل فيه امل, قال اسمك مو موجود نهائي!!!!!!!!!!
اقسم بالله يااخوان هذا اللي صار.
طيب يامسئول يافااااااااسد اذا نويت تظلمني وتدخل احد مكاني اقل شي احتياط يكون لي الاولوية بالمسابقات الوظيفية خلال سنة..يعني المفروض الحين يتصلون علي ليش اتقدم مره ثانية واتمرمرط رايح جاي اكثر من 200كم.
كل اللي بقوله الله لايسامحه ولا يووفقه دنيا واخره ..

اتمنى اي مسئول يخاف الله بجامعة شقرا يجي على الخاص بعطية رقم الهوية يتأكد من قاعدة البيانات السنه الماضية.. ويشوف التلااااعب والظلم اللي صاير.


الى متى على هالحااااال فساااد وظلم وعدم مبالاة !!

حسبنا الله ونعم الوكيل