الله يوفقك اول شيء آسف على التأخر في الرد يعلم الله اني البارحه جلست قرابة الساعتين ارد عليك وفي الاخير الجهاز تعطل عليه

اختي تراك ما قدمتي ولا شيء
اول شيء ناظري الوظائف (( الرابط بعد شوي بنزله )) وناظري وش الشروط بعد كذا اختاري المؤهل اللي يناسب الوظيفة اللي تبين تقدمين عليها ..

جامعي جامعي ـــ ثانوي ثانوي ــ دبلوم دبلوم يعني لا تقدمين لوظيفة بالدبلوم او الجامعة والوظيفة اللي اخترتيها يبون او من شروطها ثانوي عرفني (( لأنهم راح يستبعدون طلبك على ذمة كلام أهل الخبرة ))

رابط مسميات الوظائف للناس اللي أنشأوا السيرة الذاتية على موقع الوزارة

http://jobs.mol.gov.sa/ar/job-search-results/?start=1&keyword_radio=1&jb_loc_list_1=sa,0,0&jb_l oc_list=sa,0,0&email=z6rr@hotmail.com&email_option s=1&sort=4&search_id=79dqIdSh&order_by=d&result_id =GYg376HF

كيفية التقديم (( بعد ما تناظر جميع الوظائف وتختار اللي يناسبك ــ اضغط على مسمى الوظيفة لجل تناظر الشروط ))



الحين راح تناظر شروط الوظيفة والمؤهل وعدد الوظائف وغيره



بعد كذا تروح لأسفل الصفحة للتقديم على الوظيفة



بعد كذا راح ينقلك لصفحة تدخل فيها على حسابك لجل تقدم على الوظيفة



بعد كذا يطلب منك ارفاق خطاب (( اختياري بس الأفضل تكتب مثلا بسم الله الرحمن الرحيم السلام عليكم ورحمة الله وبركاته وبعد اقدم لكم خطابي هذا وفيه افيدكم أنني أحد ابناء الوطن وارغب في التقدم على وظيفة ( تذكر اسم الوظيفة ) آمل من الله ثم منكم قبول طلبي هذا و و و و ))

وتضغط على ( التقدم الآن ) يمكن تجي رساله لك تقول ( مؤهلاتك لا تناسب هذه الوظيفة هل تريد الاستمرار قله ايه ) بعد كذا راح تجيلك رساله ( تم إرسال الطلب بنجاح ) بعد هذا مباشرة تصلك رساله على الايميل من وزارة العمل مفادها إنك مقدم على الوظيفة الفلانية وسوف يتم الاتصال بك اذا ما جتك عادي



بعد كذا اطلع من النظام ودخل مره ثانية راح تلاقي (( الطلبات : 1 )) وبكذا تعرف إنك قدمت (( اذا بتعرف وش الوظيفة اللي قدمت عليها اضغط على ــ الطلبات تجيلك التفاصيل ))
1ــ لازم يكون الجوال مفعل + الايميل مهم جدا راح تصلك رسائل عليهم من الوزارة

2ــ التقديم على وظيفة وحدة فقط .

3ــ اذا مطلوب في الوظيفة اللي بتقدم عليها (( ثانوي أو دبلوم )) لا تروح وترفق مؤهل الجامعة او تقدم بالجامعة

قدم على وظيفة تناسب تخصصك بالبكالوريوس او قريب من تخصصك (( اذا ما لقيت فأكيد راح تلاقي وظيفة بالثانوي )) قدم بشهادة الثانوي وترك الجامعة على جنب (( ولا تقول حرام وتفتي من راسك هههههه ))

أهم شيء تقدم على وظيفة (( لو قدمت بالجامعة او الدبلوم والوظيفة اللي انت اخترتها يبون ثانوي يستبعدون طلبك على ذمة كلام اصحاب الخبرة ))

4ــ في كتابة السيرة الذاتية حقتك cv اكتبها على الوورد ولصقها بالمربع ( بعد شوي بنزل الصور أو اذا تبي تحملها عادي )


اول شيء هذا نموذج cv (( لو تتفنن فيه تكتبه عربي في اليمين وفي اليسار إنجليزي يكون أزين وخصوصا يمكن تقدم على وظائف يهمتون بالأنجليزي او اللي يبحث السير يكون ما يعرف عربي إلا قليل ) اللي يبي يكتبه ويحفظه في الوورد ازين

ملاحظة (( السجل المدني في التقديم على وظائف عن طريق الاعلانات ويحطون لك الايميل في شركة غير معروفة لا تكتب السجل ابدا لجل إنه حصل تلاعب في السعودة عن طريق اعلانات وهمية ))





لإنشاء cv في موقع وزارة العمل وغيره





بعد كذا راح يجي لك خيارين (( اما تحميل السيرة او نسخها ولصقها ))



اذا بتلصقها راح يجي لك هذا الشكل (( ونسخ السيرة من الوورد او اذا بتحملها بكيفك ))




بعد كذا اعمل تحديث وخرج من النظام ورجع مره ثانية لجل تتأكد من وجود السيرة .


كيف تتأكد من وجود cv أخرج من النظام اول شيء ودخل مره ثانية ورح آخر شيء في الصفحة




وراح تناظر سيرتك cv




وهذا شكل cv اذا كان منسوخ على صيغة pdf مثل سيرتي




5ــ اذا نسيت اسم المستخدم او كلمة السر او ما قدرت تدخل على حسابك (( البعض يتهاون في الايميل وبعد كذا يقع في مشكلة ))

اعمل اللي في الصورتين





......................

طريقة تحميل الاوراق

1ــ ياليت الأوراق تمسح بالأسكنر بصيغة pdf في اقرب محل كمبيوتر (( للي ما عنده سكنر ))

2ــ الاوراق المطلوبة (( المؤهل + الهوية الوطنية + cv ( صيغة وورد أو pdf ما يخالف )+ الدورات + الخبرات + برنت التأمينات الاجتماعية (بالنسبة للناس اللي عندها خبرة )+ السجل الأكاديمي + شهادات شكر ....

وفيه ناس قالت يكفي ( المؤهل فقط ) لكن الناس اللي تبي وزارة العمل وأصحاب العمل تطلع على كل اوراقه يرفق مثل هاذي الاوراق

3ــ كل ورقة لوحدها يعني عندك ( المؤهل في صورة pdfمستقله + الهوية في صورة pdf مستقله + الدورات كل دوره لوحدها ( عندك 6 دورات يلزملك 6 صور pdf )
عن نفسي حاولت ارفق صورتين للدورات التدريبية مع بعض ما مشى الحال ))

المهم إنك ما تحط كل اوراقك في صورة pdf وحدة (( الخلاصة عندك 10 اوراق تنسخ 10 صور pdf .

4ــ للتنبيه لا ترفق في تحميل الملفات (( مؤهل غير مطلوب في الوظيفة اللي بتقدم عليها ))

اول شيء اقرأ الوظائف وشروطها وعلى ضوء مسميات الوظائف تعرف إنت بترفق ايه ( بكالوريوس أو دبلوم أو ثانوي ))






وباقي الاوراق مثل كذا (( لو فيه طريقة انك تنسخها بصيغة وورد ويتعذر عليك PDF انسخها بس معرف الطريقة ))

حط المؤشر على ( Document وكتب نوع الورقة المنسوخه مثلا وثيقة او هوية وطنية ........... ))

ملاحظة اذا بتتأكد من وجود الاوراق اللي ارفقتها وتبي معاينة لها (( اخرج من النظام ودخل مره ثانية راح تلاقي مسميات كل ورقه قدامك مثلا في المربع اللي كتبت فيه وثيقة اضغط عليه تطلع لك الصورة ))

الله يوفقك

دعواتك لنا