السلام عليكم ورحمة الله وبركاته
والصلاة والسلام على سيدنا وحبيبنا محمد وآله
وبعد

المشروع:
تأخذ بجيبك ( 5000 ريال ) وتروح يوم الخميس سوق المواشي .
بالتحديد ( حراج الابل ).

راح تشوف الحراج على ( حاشي ) وتسمع المزادات عليه
اذا الحراج على حاشي لاتساوم ولاتزيد ... فقط اتبع الخطوات الآتية:
1- اسكت ولاتزاود ولاتساوم. بس تسمع.
2- راح يوقف الدلال على مبلغ مثلا ( 4000 ريال ) للحاشي
3- اذا وقف المزاد على المبلغ ..انتهز الفرصة ورح للدلال واشتره من اللي شراه مثلا اشتراه الرجال بـ ( 4000 ريال ) انت قله راح اشتريه منك ( 4100 ريال ) مرضا زد المبلغ لمائة لحد ماتصل ( 4500 ريال بس)
4- اذا وفقك الله تعالى وشريته .. قل للدلال ..شف شغلك واطلق صوتك للجماهير ..
وبإذن الله راح تبيه ( 5000 ريال) وممكن اكثر.
5- استعمل الطريقة باكثر من حاشي مو واحد وتروح للبيت.

لاتنسى استحضار النية الصالحة والكسب الحلال


ملاحظة خطيرة :
لاتروح لسواق المواشي ( ببدلة سبورت ) منعا للإحراج .. انا رحت وطاح وانواع التعليقات علي
ههههههه


صدقني راح تكون لك راس مال جيد

صحيح انا مااحب المواشي بس دام انا فاضي يوم الخميس ليش مااطلع مبلغ ( 5000 ريال مكسب)




حبيت الخير لكم
ويمكن احد من الشباب مايعرف الطريقة
اشوفكم على خير