[FONT="Book Antiqua"]]كلنا شاكين انها حرام لكن سؤال عجزت افهمه
الحكومه ماتطلع لك الفيزا الاتدفع 2000ريال
هالمبلغ مقابل الفيزا وتمتلكها غريبه ماافتو المشايخ انها حرام
مع انه مارح يطلعون لكم التاشيره لين تطلع سجل وتدفع رسوم
يعني اخذو مقابل ونجي ندفع وتطلع التاشيرات

شرينا التاشيره من الحكومه ب2000ريال واحيان يكون اكثر من تاشيره
شوفو اللي يطلع لهم رسوم التاشيرات ولما يجي المحتاج يبي يسترزق بالتاشيره
ويفك ازمته قالو له حرام ومتاجره بالانفس حلال عليهم وحرام على العبد الفقير
المهم
*مانحب نفتي ونحلل ونحرم بكيفنا
يوجد شك لكن يقين ماوصلنا
كلام الشيوخ واضح المتاجره بالانفس وهو انك تاخذ مبلغ من العامل
تجيبه بفيزا وتشغله بالبلد مقابل مبلغ يسلمك اياه كل شهر هذا اللي حرام
اما بيع الفيز انت تبيع تاشيره لاتاخذ راتب من عامل ولاغيره

ياليت يكون توضيح بيع التاشيره والتخلص منها ان مااني محتاجها او لتكاليف
الاستقدام
وانا هالحين عندي تاشيرات بغيت اطلع عاملاات طلب مني مكتب الاستقدام
14الف ريال محتاجه اكثر عامله ومااعندي امكانيه ادفع لكل تاشيره هالمبلع
وش اسوي ?? اترك التاشيره وتروح علي ال2000ريال ولاابيعها طالما مارح احتاجها
قلتو حرام البيع ماختلفنا لكن ليه ماقلتو لمكاتب الاستقدام اللي تطلب مبالغ كبيره
والحكومه تاشيره ب2000ريال هذا حلال ولاحرام
وربي قهر
لعلمك هالعامل اللي تقلون مستغلينهم اغني مني ومنكم وماخذين فرصتهم
بالبلد اكثر من المواطن واكثر من حقهم وان ببلده ماايحصل هالالاهتمام وهالفرص
وان دفع مبلغ فهو مقابل تحمل مايجي منه من مصايب بعض الكفلااء يروحون السجن
بسبب هالكفاله
المواطن يدفع وشروط وخلافه ومااحد اعترض او صحح الوضع نقف فقط
على هالمواطن حتى برزقه
مانقول الاحسبنا الله ونعم الوكيل
مااخذ بذمتي شي لااحلل ولااحرم مجرد وجهة نظر طرحتها
اختلاف الرائ لايفسد للود قضيه
وسلامتكم
اعتذر للاطااااله